ဒီဇင်ဘာ – ၂၇ ၊၂၀၂၅ ၊ ဆိုင်းမင်း/People’s Spring
မန္တလေးမြို့မှာအာဏာသိမ်းစစ်ကောင်စီကျင်းပမယ့် ရွေးကောက်ပွဲ မတိုင်ခင်ရက်ပိုင်းအလိုမနေ့ (ဒီဇင်ဘာလ ၂၆ ရက်)ကစတင်ပြီး စစ်သား ၊ရဲ နဲ့ ပျုစောထီးပါဝင်တဲ့အဖွဲ့က မြို့ပေါ် နေရာတိုင်းနီးပါးမှာ စစ်ဆေးမှုတွေ ပြုလုပ်လာတယ်လို့မြို့ခံဆီကသိရပါတယ်။
စစ်ဆေးရေးအဖွဲ့ တစ်ဖွဲ့မှာ အင်အား ၂၀ ခန့်ရှိပြီး လမ်းသွားလမ်းလာတွေရဲ့ ဖုန်း ကို စစ်ဆေးတာ ၊ ကားနဲ့ ဆိုင်ကယ်တွေကို တားဆီးစစ်ဆေး တာတွေ ပြုလုပ်နေတာပါ။
“ဒီနေ့(ဒီဇင်ဘာ၂၆)က တော်တော်ဆိုးဆိုးဝါးဝါးပဲ၊ လမ်းကြောတစ်ခုကို ငါး ဖွဲ့ထက်မနည်းပဲ တောက်လျှောက်စစ်ခံရတာ”လို့ ၃၅လမ်းမပေါ်မှာ စစ်ဆေးခံရတဲ့ ဒေသခံတစ်ဦးက ပြောပါတယ်။
Public Service Announcement
စစ်ဆေးရာမှာ ယာဉ်လိုင်စင်၊ ယာဉ်မောင်းလိုင်စင်ကိုစစ်ဆေးတာမျိုးမဟုတ်ဘဲ တုတ် ၊ဓား၊လက်နက်တို့ကို အဓိကရှာဖွေတာလို့ သိရပါတယ်။
“ဘောင်းဘီအိတ်ကပ်တောင်မချန်ဘူး အကုန်ရှာတာ”လို့ ပုသိမ်ကြီးမြို့နယ်မှာ စစ်ဆေးခံရသူတစ်ဦးကပြောပါတယ်။
အဲဒီစစ်ဆေးရေးအဖွဲ့ဟာ ရွေးကောက်ပွဲရက်မေးမြန်းတာ၊ မဲပေးရမယ့် မဲရုံနေရာမေးမြန်းတာ၊ မဲစာရင်းသွားကြည့်မကြည့် စတာတွေကို မေးမြန်းတာရှိတယ်လို့ သိရပါတယ်။
မနက်ဖြန်ဒီဇင်ဘာလ ၂၈ ရက်မှာကျင်းပမယ့် စစ်ကောင်စီရဲ့ရွေးကောက်ပွဲမှာ မန္တလေးတိုင်းက ရှစ်မြို့နယ် ပါဝင်ပြီး ကျောက်ဆည် ၊ညောင်ဦး ၊ပြင်ဦးလွင် ၊ ချမ်းအေးသာစံ ၊ မိတ္ထီလာ ၊ပျော်ဘွယ် ၊ရမည်းသင်းနဲ့ အောင်မြေသာစံမြို့နယ်တို့ ဖြစ်ပါတယ်။
