ဒီဇင်ဘာ-၂၈၊၂၀၂၅။သတိုး/ People’s Spring
ပြည်တွင်းမှာ စစ်ကောင်စီလုပ်ဆောင်တဲ့ ဒီနေ့ (ဒီဇင်ဘာ ၂၈)က ရွေးကောက်ပွဲကိုလက်မခံကြောင်း ဂျပန်နိုင်ငံရောက်မြန်မာတွေက စစ်ကောင်စီလက်အောက်ခံ သံရုံးရှေ့မှာ ဆန္ဒထုတ်ဖော်ခဲ့ကြပါတယ်။
ဆန္ဒထုတ်ဖော်ပွဲကို ဂျပန်ရောက်မြန်မာ ရာနဲ့ချီလာရောက်ခဲ့ပြီး စစ်ကောင်စီရဲ့ ရွေးကောက်ပွဲရလာဒ်က ပြည်သူတွေရဲ့ သဘောဆန္ဒ အစစ်အမှန်မဟုတ်တာကြောင့် ဂျပန်ရောက်မြန်မာတွေက အသိအမှတ်ပြုမှာမဟုတ်ကြောင်း ပြောကြားခဲ့ပါတယ်။
ဒါ့အပြင် စစ်ရာဇဝတ်မှု ကျူးလွန်ထားသူတွေကို နိုင်ငံတကာ ဥပဒေနဲ့အညီ တရားစီရင်နိုင်ဖို့ ဆက်လက်ကြိုးစားသွားမယ်လို့ Arakan National Democratic Party-Japan ကလည်း အသိပေးထားပါတယ်။
Public Service Announcement
ဆန္ဒထုတ်ဖော်ပွဲကိုလာခဲ့သူတွေက မြန်မာသံရုံးရှေ့ကနေ သူတို့ရဲ့ ခံစားချက်တွေကို တစ်ဦးချင်းပြောကြားပြီး ရွေးကောက်ပွဲကိုမထောက်ခံကြောင်းပြောကြားခဲ့ပါတယ်။
ဆန္ဒထုတ်ဖော်သူတွေက လူထုခေါင်းဆောင် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားတွေကို လွှတ်ပေးဖို့လည်း ကြွေးကြော်သံတွေနဲ့ တောင်းဆိုခဲ့ကြပါတယ်။
