ဒီဇင်ဘာ-၂၉၊၂၀၂၅။သတိုး/People’s Spring
စစ်ကောင်စီရဲ့ရွေးကောက်ပွဲအတွက် လုပ် ဆောင်နေတဲ့ ရန်ကုန်မြို့ တောင်ဥက္ကလာပမြို့နယ်အထွေထွေအုပ်ချုပ်ရေးမှူးရုံးကို မိုင်းတွေ၊ လက်ပစ်ဗုံးတွေနဲ့ တိုက်ခိုက်ခဲ့တယ်လို့ မြို့ပြကြွက်အဖွဲ့က တာဝန်ရှိသူက ပြောပါတယ်။
“မြေပြင်သတင်းပေးပို့မှု အရပ်ဝတ် ရခနှစ်ဦး ၊ ပျူ အရပ်အခေါ် ဆယ်အိမ်မှုးတစ်ဦး ပေါင်း သုံးဦး ၊စံပြဆေးရုံမှာတင်ထားရ” လို့ ပြောပါတယ်။
အဲဒီစစ်ဆင်ရေးကို စစ်ကောင်စီရဲ့ ရွေးကောက်ပွဲ ပြုလုပ်တဲ့ ဒီဇင်ဘာ ၂၈ ရက်ည ၁၁နာရီလောက် မှာ ပြုလုပ်ခဲ့တာဖြစ်ပြီး လက်ပစ်ဗုံး နှစ်လုံး လက်လုပ်မိုင်း နှစ်လုံး နဲ့ တိုက်ခိုက်ခဲ့တာဖြစ်တယ်လို့ သတင်းထုတ်ပြန်ထားပါတယ်။
Public Service Announcement
မြို့ပြကြွက်အနေနဲ့ စစ်ကောင်စီရဲ့ ရွေးကောက်ပွဲအတွက်လုပ်ဆောင်နေသူတွေကို တိုက်ခိုက်မှုတွေ ဆက်တိုက်ပြုလုပ်နေတာဖြစ်ပြီး ရွေးကောက်ပွဲအတွက်ကူညီတဲ့ စီးပွားရေး သမားတွေကိုလည်း အရေးယူတော့မယ်လို့ သတိပေးထားပါတယ်။
စစ်ကောင်စီရဲ့ရွေးကောက်ပွဲမှာ ပူးပေါင်းခြင်းမရှိပဲ No Vote ပြုလုပ်ပေးတဲ့ပြည်သူတွေကို ကျေးဇူးတင်သလို ပြည်သူတွေရဲ့ ပါဝင်မှုကြောင့် အားတတ်ရတယ်လို့ အထက်ပါတာဝန်ရှိသူကပြောပါတယ်။
