ဇူလိုင် – ၄ ၊၂၀၂၆ /People’s Spring
မန္တလေးမြို့၊ ချမ်းမြသာစည်မြို့နယ်ရှိကန်တော်ကြီး(ရေကန်)မှာရိုက်နှက်နှိပ်စက်ခံထားရတဲ့ဒဏ်ရာတွေနဲ့ သေဆုံးနေတဲ့ အမျိုးသားတစ်ဦးရဲ့ ရုပ်အလောင်းကိုမနေ့ ( ဇူလိုင်လ ၃ ရက်) ညနေပိုင်းမှာတွေ့ရှိခဲ့တယ်လို့ လူမူကူညီရေးလုပ်ကိုင်သူအချို့ဆီကသိရပါတယ်။
မနေ့ညနေပိုင်းမှာချမ်းမြသာစည်မြို့နယ်၊သံလျှက်မော်တောင်ရပ်ကွက်၊ ကန်တော်ကြီးတောင်ဘက်ခြမ်းရေကန်မှာအဲဒီအမျိုးသားရုပ်အလောင်းကိုတွေ့ခဲ့ရတာပါ။
သေဆုံးနေတဲ့အမျိုးသားကအသက် ၄၀ အရွယ်ခန့်ရှိပြီးအလောင်းကို ပီနံအိတ်နဲ့ ထည့်ကာကန်တော်ကြီးမှာလာရောက်စွန့်ပစ်သွားခဲ့တာဖြစ်ပါတယ်။
Public Service Announcement
“တစ်နေရာမှာရိုက်နှက်နှိပ်စက်ပြီး သေသွားတော့မှ ရေထဲလာပစ်ထားတဲ့ပုံစံမျိုးပေါ့၊ တွေ့တဲ့အချိန် မျက်နှာကပျက်နေတော့ ဘယ်သူ ဘယ်ဝါဆိုတာ ပိုင်ရှင်မတွေ့သေးဘူး “ လို့ လူမူကူညီရေး လုပ်ကိုင်နေသူတစ်ဦးက ပြောပါတယ်။
သေဆုံးသူရဲ့မျက်နှာမှာပေါက်ပြဲဒဏ်ရာတွေနဲ့ဖူးရောင်နေပြီးရင်ဘက်နဲ့ ကျောမှာလည်း ညိုမဲဒဏ်ရာဒဏ်ချက်တွေကို တွေ့ရတယ်လို့သိရပါတယ်။ သေဆုံးသူနဲ့ပတ်သက်တဲ့အချက်အလက်တွေကိုတော့မသိရပါဘူး။
၂၀၂၁ ခုနှစ် ၊ဖေဖော်ဝါရီလ ၁ ရက်မှာရွေးကောက်ခံအရပ်သားအစိုးရကိုဖြုတ်ချပြီး စစ်တပ်ရဲ့တကျော့ပြန်အာဏာသိမ်းမှုအပြီး မန္တလေးမြို့မှာ လူသတ်မှု ၊ ဓားပြမှု ၊ လုယက်မှုတွေ မကြာခဏဆိုသလိုဖြစ်ပွားနေတာပါ။
