မြင်းခြံမြို့နယ်၊စံပြရွာအထိုင်စခန်းကို တော်လှန်ရေးပူးပေါင်းတပ် တွေသိမ်းယူ

ဩဂုတ်-၂၆၊၂၀၂၆။ကတ်သရင်း/People’s Spring

မန္တလေးတိုင်း၊မြင်းခြံမြို့နယ်၊စံပြကျေးရွာက စစ်တပ်အထိုင်စခန်းကိုတော်လှန်ရေးပူးပေါင်းတပ် တွေက ဒီနေ့မနက်ပိုင်းမှာ တိုက်ခိုက်သိမ်းယူနိုင်ခဲ့တယ်လို့ မြင်းခြံမြို့နယ်၊ပြည်သူ့ကာကွယ်ရေးအဖွဲ့(ပကဖ) သတင်းပြန်ကြား ရေးတာဝန်ခံက​ပြောပါတယ်။

ဩဂုတ်လ၂၆ရက်၊မနက်၄နာရီ ဝန်းကျင်မှာ မြင်းခြံမြို့ရဲ့အရှေ့မြောက်ဘက်နွားထိုး- မြင်းခြံလမ်းပိုင်းက စံပြရွာမှာအထိုင်ချထားတဲ့ စစ်တပ်အထိုင်စခန်းကိုတော်လှန်​ရေးပူးပေါင်းတပ်​တွေကတိုက်ခိုက်သိမ်းယူခဲ့တာဖြစ်ပါတယ်။

တော်လှန်ရေး တပ်ဖွဲ့တွေ ဝင်ရောက်တိုက်ခိုက်ချိန်မှာ စစ်သားနဲ့ပျူ​စောထီးတွေအားလုံး ထွက်ပြေးခဲ့ပြီး နေရာမှာ သွေးကွက် တွေနဲ့ ဘတ်ထရီ၊ဆိုလာချပ်တွေကျန်ခဲ့ပါတယ်။အဲ ဒီနေရာကို တော်လှန်ရေးတပ် တွေကရှင်းလင်းခဲ့တယ်လို့ သိရပါတယ်။

Public Service Announcement

“ဘေးနားက စစ်တပ်အထိုင်ရွာတွေနဲ့နီးတယ်။ကင်းရွာဆို မီတာ၄၀၀ လောက်ပဲဝေးတာ။ဒါပေမယ့်ဘယ်ကောင်မှထွက်မလာရဲဘူး။တော်လှန်ရေးပူးပေါင်းအဖွဲ့ တွေကအထိခိုက်မရှိပြန်ဆုတ်လာနိုင်ပါတယ်”လို့ အထက်ပါတာဝန်ခံက ဆက်ပြောပါတယ်။

တော်လှန်ရေး တပ်တွေ ပြန်ဆုတ်ခွာလာပြီးတဲ့နောက် မနက်၁၀နာရီလောက်မှာစစ်တပ်က အင်အားပြန်ဖြည်ပြီး စံပြရွာအတွင်းကို ပြန်ဝင်ကာအနီးပတ်ဝန်းကျင် ရွာ တွေကို ကင်းလှည့်တာ တွေလည်းလုပ်ခဲ့တယ်လို့ စုံစမ်းသိရပါတယ်။

နွားထိုးကြီး- မြင်းခြံလမ်းပိုင်းကို စစ်တပ်က ၂၀၂၅ခုနှစ်၊ဩဂုတ်လက ပြန်လည်ထိန်းချုပ်ခဲ့ပြီး ကျေးရွာအများစုမှာ အထိုင်ချတပ်စွဲထားတယ်လို့ သိရပါတယ်။

အဆိုပါစစ်ဆင်​ရေးကို မြင်းခြံမြို့နယ်ပကဖ၊ဗိုလ်ဆားပျောက်ကြားတပ်ဖွဲ့၊ပြည်သူ့ကြယ်တပွင့်၊မြင်းခြံ 35 ပျောက်ကြားတပ်ဖွဲ့၊အညာဖက်ဒရယ် ထနောင်းစစ် ကြောင်းတို့ပူး ပေါင်းတိုက်ခိုက်ခဲ့တာဖြစ်ပါတယ်။