Connect with us

Hi, what are you looking for?

သတင်း

ရှမ်းနီ(SNA)တပ်ဖွဲ့ဝင် ၁ဦး PDF ထံ အလင်းဝင်

စစ်ကိုင်းတိုင်း၊ဖောင်းပြင်မြို့နယ်မှာ စစ်တပ်လက်အောက်ခံ ရှမ်းနီတပ်(SNA) တပ်ဖွဲ့ဝင်တစ်ဦးက လက်နက်ခဲယမ်းနဲ့အတူအလင်းဝင်လာတဲ့အတွက် ‌‌ဆုငွေ ကျပ်သိန်း၅၀ ထောက်ပံ့ကာ မိဘတွေထံ အပ်နှံပေးခဲ့တယ်လို့ မော်လိုက်ခရိုင်အမှတ်(၃)တပ်ရင်းက သတင်းထုတ်ပြန်ပါတယ်။

စက်တင်ဘာ-၁၈၊၂၀၂၆။ကဖေး/People’s Spring

စစ်ကိုင်းတိုင်း၊ဖောင်းပြင်မြို့နယ်မှာ စစ်တပ်လက်အောက်ခံ ရှမ်းနီတပ်(SNA) တပ်ဖွဲ့ဝင်တစ်ဦးက လက်နက်ခဲယမ်းနဲ့အတူအလင်းဝင်လာတဲ့အတွက် ‌‌ဆုငွေ ကျပ်သိန်း၅၀ ထောက်ပံ့ကာ မိဘတွေထံ အပ်နှံပေးခဲ့တယ်လို့ မော်လိုက်ခရိုင်အမှတ်(၃)တပ်ရင်းက သတင်းထုတ်ပြန်ပါတယ်။

SNAတပ် တပ်မဟာ (၇၅၃)က တပ်သားဝေလျံဇော်က သြဂုတ် ၂၉ရက်မှာ သေနတ် ၁လက်နဲ့အတူ ထွက်ပြေးလာပြီး အလင်းဝင်လာတာလို့ ဒီကနေ့ စက်တင်ဘာ ၁၈ရက်မှာ ထုတ်ပြန်အသိပေးတာပါ။

အလင်းဝင်တပ်သားက ပြည်သူ့ဘက်မှရပ်တည်ပြီး စစ်အာဏာရှင်ကိုတွန်းလှန်လိုကြောင်းနဲ့ မိဘတွေနဲ့အတူ နေထိုင်လိုကြောင်းအချက်(၂)ချက်တောင်းဆိုတာကြောင့် လက်ရှိမှာ မိဘထံ ပြန်ပို့ထားတယ်လို့ ထုတ်ပြန်ထားပါတယ်။

Public Service Announcement

Public Service Announcement

SNA ဟာ စစ်တပ်ရဲ့ ကွပ်ကဲမှုခံယူထားသလို ရှမ်းနီတိုင်းရင်းသားတွေကိုလည်း ခွဲခြားဆက်ဆံတာတွေလည်းရှိနေတယ်လို့ အဲ့ဒီရဲဘော်က ထုတ်ပြောထားကြောင်း မော်လိုက်ခရိုင်အမှတ်(၃)တပ်ရင်းထုတ်ပြန်ချက်မှာဖော်ပြထားပါတယ်။

မော်လိုက်ခရိုင်အမှတ်(၃)တပ်ရင်းဟာ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ်(၁)စစ်ဒေသလက်အောက်ခံပြည်သူ့ကာကွယ်ရေးတပ်ဖွဲ့ဖြစ်ပါတယ်။

ပြီးခဲ့တဲ့ဇူလိုင်ကလည်း SNA တပ်မဟာ(၈၉၁)၊ တပ်ရင်း-၃က တပ်သား ၁ဦးဟာ တမူးခရိုင်၊အမှတ်(၂)တပ်ရင်းထံ ထွက်ပြေး အလင်းဝင်လာခဲ့ဖူးပါတယ်။

SNA တပ်ဟာ ကချင်ပြည်နယ်နဲ့ စစ်ကိုင်းတိုင်းအတွင်းမှာ စစ်ကောင်စီနဲ့ပူးပေါင်းပြီး တော်လှန်ရေးတပ်တွေကိုတိုက်ခိုက်နေတဲ့အဖွဲ့ဖြစ်ပါတယ်။ SNA က စစ်တပ်လက်အောက်ခံအဖြစ်ရပ်တည်နေတဲ့အပေါ် ရှမ်းနီ တိုင်းရင်းသားတွေကိုယ်တိုင်က ဝေဖန်မှုတွေရှိနေပါတယ်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

စစ်ကိုင်းတိုင်း၊ အင်းတော်မြို့ကနေ ဝန်းသိုမြို့နဲ့ ထီးချိုင့်မြို့ကို ထွက်လာတဲ့ စစ်တပ်စစ်ကြောင်း ၂ ကြောင်းလုံး စစ်ကြောင်းပျက်တဲ့အထိ တိုက်ခိုက်ခံရပြီး သေဆုံး၊ အလင်းဝင်သူတွေ အများအပြား ရှိတယ်လို့ တော်လှန်ရေး သတင်းအရင်းမြစ်တွေက ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ရှမ်းပြည်နယ်မြောက်ပိုင်း မိုးမိတ်မြို့နယ်မှာ ကချင်လွတ်လပ်ရေးတပ်မတော်(KIA) ပူးပေါင်းတပ်နဲ့ စစ်တပ်အကြား တိုက်ပွဲဆက်ဖြစ်နေပြီး စစ်သားအချို့ အလင်းဝင်လာတာရှိတယ်လို့ ကချင်စစ်ရေးသတင်းရင်းမြစ်က ပြောပါတယ်။