Connect with us

Hi, what are you looking for?

သတင်း

ဗန်းမော်မြို့ကို အင်အားဖြည့်ထားတဲ့ စစ်တပ်အင်အား ၁ထောင်ကျော်ရှိ၊ အများစုဟာ စစ်မှုထမ်းတပ်သားလူငယ်တွေဟု KIA ပြော

ကချင်ပြည်နယ်ꩻ ဗန်းမော်မြို့ကို စစ်တပ်က အင်အား ၁၀၀၀ ကျော် ဖြည့်တင်းထားပြီး အများစုဟာ စစ်ကောင်စီတပ်က အဓမ္မ စစ်သားစုဆောင်းထားတဲ့ လူငယ်တွေဖြစ်တယ်လို့ ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။

(ကချင်ပြည်နယ်၊ ဗန်းမော်မြို့တနေရာကို ၂၀၂၅က တွေ့ရစဉ်။ ဓာတ်ပုံ - CJ)

အောက်တိုဘာ ၁၊ ၂၀၂၆။ ထားမြတ်/People’s Spring

ကချင်ပြည်နယ်ꩻ ဗန်းမော်မြို့ကို စစ်တပ်က အင်အား ၁၀၀၀ ကျော် ဖြည့်တင်းထားပြီး အများစုဟာ စစ်ကောင်စီတပ်က အဓမ္မ စစ်သားစုဆောင်းထားတဲ့ လူငယ်တွေဖြစ်တယ်လို့ ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောပါတယ်။

ဗန်းမော်မြို့မှာ လတ်တလော စစ်ရေးအခြေအနေ ပြင်းထန်နေတာနဲ့ပတ်သက်ပြီး မေးမြန်းတဲ့ အပေါ် ဗိုလ်မှူးကြီးနော်ဘူက အခုလို ပြောပြတာပါ။

“ဗန်းမော်ဘက်က အခြေအနေကတော့ သူတို့ သင်္ဘောတွေဝင်တဲ့ရောက်တဲ့ နောက်ပိုင်းမှာ သူတို့က ဗန်းမော်တမြို့လုံးကိုထိန်းချုပ်နိုင်ဖို့အတွက် သူတို့ ကြိုးစားပုံရပါတယ်။ အရင် တိုက်ပွဲမဖြစ်တဲ့နေရာမှာလည်း ရပ်ကွက်တချို့မှာ တိုက်ပွဲဖော်ဆောင်တာ တွေ့ရပါတယ်။” လို့ ဗိုလ်မှူးကြီးနော်ဘူက ပြောပါတယ်။

Public Service Announcement

Public Service Announcement

အထူးသဖြင့် ဗန်းမော်တက္ကသိုလ်၊ နမ့်ဖား၊ ခလရ(၄၇) ပတ်ဝန်းကျင်ဖြစ်တဲ့ ကုန်းမဟက်နဲ့ ဟန်တဲ တကြော နေရာတွေ၊ မိုးမောက်သွားလမ်း သုံးမိုင်ဘက် စတဲ့ဒေသတွေမှာ တိုက်ပွဲတွေရှိနေပြီး စစ်တပ်ဘက်က လေကြောင်း၊လက်နက်ကြီး ဒရုန်းတိုက်ခိုက်မှုတွေ ပါဝင်တယ်လို့ အသိပေးပါတယ်။

“ဗန်းမော်ဘက်ကို ဝင်လာတဲ့ သင်္ဘောမှာ ပါတဲ့ သူတို့ရဲ့ စစ်အင်အားတွေကတော့ ၁၀၀၀ ကျော် အများဆုံး ၁၅၀၀ လောက်တော့ ပြန်ဝင်တယ်လို့ ကျနော်တို့ ခန့်မှန်းပါတယ်။ ဒါပေမဲ့ အဲဒီ အင်အားတွေထဲမှာ အသက်မပြည့်တဲ့ ၁၆နှစ် ၁၇နှစ်ပေါ့နော် အဲဒီလိုမျိုး ကျောင်းနေဘ၀က ကလေးတွေကို စစ်မှုထမ်း သူတို့ရဲ့ မထမ်းမနေရ ဥပဒေအောက်ကနေ စုဆောင်းထားတဲ့ ကလေးတွေပဲ ဖြစ်တာတွေ့ရပါတယ်။ ဘာမှ တိုက်ပွဲဝင်မယ့် စစ်သားတွေလည်း မဟုတ်ပါဘူး။ ဒါမျိုးလုပ်တာ လုံး၀ မဖြစ်သင့်တဲ့ဟာ ဖြစ်တယ်” လို့ ဗိုလ်မှူးကြီးနော်ဘူက ပြောကြားပါတယ်။

အာဏာသိမ်းစစ်တပ်ဟာ ဩဂုတ်လကုန်ပိုင်းနဲ့ စက်တင်ဘာလဆန်းပိုင်းမှာ ဗန်းမော်မြို့ကို ရေကြောင်းက စစ်အင်အားတွေ ဖြည့်တင်းတာပြုလုပ်ခဲ့ပါတယ်။ သင်္ဘော များစွာနဲ့ စစ်အင်အားဖြည့်လာတဲ့အပေါ် KIA ပူးပေါင်းတပ်က ရွှေကူ-ဗန်းမော်ကြားမှာ စောင့်ကြိုတိုက်ခိုက်ခဲ့လို့ စစ်တပ်သင်္ဘောတွေထိခိုက်ပျက်စီးတာတွေ မီးလောင်တာ၊ နစ်မြုပ်တာတွေ ရှိခဲ့လို့ စစ်အင်အားဖြည့်တင်းမှု အပြည့်အ၀ အောင်မြင်ခြင်းမရှိခဲ့ပါဘူး။ သင်္ဘောအချို့ ထိခိုက်ပြီး ကမ်းကပ်လက်နက်ချလို့ လက်နက်ကိုင်တပ်ဖွဲ့ဝင် ၁၁၈ဦး အပါအဝင် စစ်ကောင်စီတပ်ဖွဲ့ဝင်နဲ့ တပ်မိသားစု စုစုပေါင်း ၁၅၀ ကျော်ကို စစ်သုံ့ပန်းအဖြစ် KIA ပူးပေါင်းတပ်က ဖမ်းမိခဲ့ပါတယ်။

လက်ရှိမှာလည်း စစ်တပ်က ဗန်းမော်မြို့မှာ ထိုးစစ်ဆင်လာလို့ တိုက်ပွဲတွေ နေ့တိုင်းလိုလို ရှိနေပြီး တိုက်ပွဲအချို့မှာ စစ်တပ်က အထိနာတာ၊ စစ်သုံ့ပန်းအချို့နဲ့ လက်နက်တွေ ရတာရှိခဲ့တယ်လို့ ကချင်စစ်ရေး သတင်းရင်းမြစ်အချို့က ပြောပါတယ်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။

သတင်း

ကချင်ပြည်နယ်၊ ဗန်းမော်မြို့နယ် စစ်တပ်ရဲ့ အမှတ်(၂၁) စစ်ဆင်ရေးကွပ်ကဲမှုဌာနချုပ်-စကခ(၂၁)ရဲ့ အနောက်ဘက်ခြမ်းမှာရှိတဲ့ မိုးစိန်းကျွန်းကို သိမ်းပိုက်နိုင်ဖို့ ကချင်လွတ်လပ်ရေးတပ်မတော်(KIA) ပူးပေါင်းတပ်က ထိုးစစ်ဆင်တိုက်ခိုက်နေကြောင်း KIA သတင်းပြန်ကြားရေးဌာနရဲ့ အောက်တိုဘာ ၂၈ရက် သတင်းဖော်ပြပါတယ်။

သတင်း

ကချင်ပြည်နယ်၊ ဗန်းမော်မြို့မှာ ကချင်လွတ်လပ်ရေးတပ်မတော်(KIA)နဲ့ စစ်တပ်တို့တိုက်ပွဲ ဆက်လက်ပြင်းထန်နေပြီး စစ်တပ်က ခလရ(၄၇)တပ်ရင်းဘက်ကို အလုံးအရင်းနဲ့ ထိုးစစ်ဆင်နေသလို KIA ပူးပေါင်းတပ်ကလည်း အမှတ်(၂၁)စစ်ဆင်ရေးကွပ်ကဲမှုဌာနချုပ်-စကခ(၂၁) ကို တန်ပြန်ထိုးစစ်ဆင် တိုက်ခိုက်နေတယ်လို့ စစ်ရေးသတင်းရင်းမြစ်က ပြောပါတယ်။