News
နိုင်ငံအနှံ စစ်ရေးတင်းမာလာချိန်တွင် စစ်တပ်အတွက် စက်သုံးဆီဝယ်ယူနိုင်ရန် လုပ်ငန်းရှင်များကို အဓိက ရောင်းချခြင်းဖြစ်သည်ဟု ရန်ကုန်အခြေစိုက် စီးပွားရေးလုပ်ငန်းရှင်တစ်ဦးကပြောသည်။
Hi, what are you looking for?
နိုင်ငံအနှံ စစ်ရေးတင်းမာလာချိန်တွင် စစ်တပ်အတွက် စက်သုံးဆီဝယ်ယူနိုင်ရန် လုပ်ငန်းရှင်များကို အဓိက ရောင်းချခြင်းဖြစ်သည်ဟု ရန်ကုန်အခြေစိုက် စီးပွားရေးလုပ်ငန်းရှင်တစ်ဦးကပြောသည်။
“ဒေါ်လာလိုအပ်ချက်များနေတာကို လျှော့ချင်လို့လုပ်တယ်ထင်တယ်။ တရုတ်ယွမ်ငွေက တရားဝင်မဟုတ်လဲ မှောင်ခိုဈေးကွက်မှာက ရနေတာပဲ”ဟု စီးပွားရေးလုပ်ငန်းရှင်တစ်ဦးက ပြောသည်။
“ဒီလိုလုပ်လာမယ်ဆိုတာ သိပြီးသားပါ။ ဒီလိုမဖြစ်နိုင်တဲ့ တင်းကျပ်မူလုပ်ရင် နောက်ပိုင်းဘယ်သူမှ နိုင်ငံခြားကို ပို့ကုန်ပို့ကြတော့မှာမဟုတ်ဘူး” ဟု ပို့ကုန်လုပ်ငန်းရှင်တစ်ဦးက ပြောသည်။
မြန်မာကျပ်ငွေဖြင့်ထားရှိရမည့် အနည်းဆုံးသီးသန့်ငွေလိုအပ်ချက်ဆိုသည်မှာ ငွေကြေးစနစ်တည်ငြိမ်စေရန် ဗဟိုဘဏ်က ဘဏ်များကို လူထု၏အပ်ငွေပမာဏအလိုက် ရာခိုင်နှုန်းသတ်မှတ်၍ ထိန်းသိမ်းထားခြင်းဖြစ်သည်။
ပို့ကုန်လုပ်ငန်းရှင်များအနေဖြင့် ပို့ကုန်ရငွေ (Export Earning)များကို ရက်ပေါင်း ၃၀သာ လက်ဝယ်ထားရရှိရမည်ဖြစ်ပြီး ရက်၃၀ ကျော်လွန်ပါက ပြည်တွင်းဘဏ်များကို မဖြစ်မနေရောင်းချရမည်ဟု အာဏာသိမ်းစစ်ကောင်စီ၏ ဗဟိုဘဏ်က အောက်တိုဘာ ၃ရက်တွင် ကန့်သတ်လိုက်သည်။
ပြင်ပပေါက်ဈေးတွင် တစ်ဒေါ်လာကို ၂,၁၀၀ကျပ်ထိပေါက်ဈေးရှိနေချိန်တွင် စစ်ကောင်စီဗဟိုဘဏ်က ဒေါ်လာ ၂၃ သန်းကို ကျပ် ၁,၇၅၀ကျပ်ဖြင့် စက်တင်ဘာ ၁၃ ရက်နှင့် စက်တင်ဘာ၁၅ရက်တို့တွင် နှစ်ရက်ခွဲရောင်းခဲ့သည်။
ဒေါ်လာ ၂၃ သန်းတွင် ကျပ်ငွေ သန်း ၄၆၀ခန့် ကွာဟမည်ဖြစ်ပြီး ထိုဈေးနှုန်းဖြင့် အခြားလုပ်ငန်းရှင်များက လိုချင်ကြောင်းပြောသည်။
လုပ်ငန်းရှင်များသည် ပို့ကုန်ရငွေများအနက် အသုံးမပြုဘဲ ကျန်ရှိသည့် ပို့ကုန်ရငွေ ဒေါ်လာများကို ဘဏ်များကသတ်မှတ်ထားသည့် ပေါက်ဈေးအတိုင်းရောင်းချရမည်ဟု စစ်ကောင်စီခန့်အပ်ထားသည့် ဗဟိုဘဏ်ဥက္ကဌက ထုတ်ပြန်ခြင်းဖြစ်သည်။
စစ်ကောင်စီ၏ဗဟိုဘဏ်က စက်တင်ဘာ ၃ ရက်တွင် တစ်ဒေါ်လာကို ၁,၇၀၁ ကျပ်ဈေးနှုန်းသတ်မှတ်ချိန်တွင် ပြည်ပမှောင်ခို ဈေးကွက်တစ်ဒေါ်လာကို ၁,၈၃၀ ကျပ်အထိ မြင့်တက်လာခြင်းဖြစ်သည်။
ဒီနေ့ဘဏ်တွေမှာ ငွေထုတ်သူပိုများလာပါတယ်။ ဒီနေ့မှာတော့ စစ်ကောင်စီက တစ်သောင်းတန် ၊ငါးထောင်တန်တွေဖျက်သိမ်းမယ့်ကောလာဟာလမဟုတ်ပါဘူး၊ ဘဏ်တွေပိတ်မှာမဟုတ်ဘူး ယုံကြည်စွာအသုံးပြုနိုင်တယ်လို့ ကြေညာပါတယ်။