Connect with us

Hi, what are you looking for?

LuduNwayOo

နိုင်ငံတကာ

ဂျာမနီမှာ ဓားကိုင် ရမ်းကား တိုက်ခိုက်မှုကြောင့် ၃ ဦးထက်မနည်း သေဆုံး

ဂျာမနီက မြို့တစ်မြို့မှာ ဓားကိုင်ရမ်းကား တိုက်ခိုက်မှုကြောင့် လူ ၃ ဦးထက်မနည်း သေဆုံးသွားကြောင်း သိရပါတယ်။

ဇွန်လ ၂၅ ရက်က ဝါ့ဇ်ဘာ့ဂ်မြို့မှာ လူတစ်ဦးက လမ်းသွားလမ်းလာတွေကို ဓားကိုင်ပြီး ရန်ပြုခဲ့တာ ဖြစ်ပါတယ်။ ဒီဖြစ်စဉ်ရဲ့ မှတ်တမ်း ဗီဒီယိုတချို့လူမှုကွန်ရက် မီဒီယာတွေပေါ် ရောက်လာရာမှာ ကျူးလွန်သူဟာ အတော်လေး ကြီးမားတဲ့ ဓားတစ်ချောင်း ကိုင်ဆောင်ထားတာ တွေ့ရပါတယ်။

ရဲတွေက အသက် ၂၄ နှစ်အရွယ် သံသယ တရားခံကို ပစ်ခတ် ဖမ်းဆီးခဲ့ကြောင်း ကြေညာပေမယ့် နာမည်ကိုတော့ မကြေညာသေးပါဘူး။ သံသယ တရားခံဟာ ဆိုမာလီယာနွယ်ဖွား တစ်ဦးဖြစ်ပြီး ပေါင်မှာ သေနတ် ဒဏ်ရာနဲ့ ဆေးရုံ ရောက်နေတယ်လို့ သိရပါတယ်။

အဖမ်းခံထားရသူဟာ ရန်လို ကြမ်းတမ်းပြီး စိတ်ဂဏှာမငြိမ်တဲ့ အခြေအနေမျိုး ရှိနေတာကြောင့် စိတ်ကျန်းမာရေး ကုသမှုတွေလည်း ခံယူနေရတယ်လို့ ရဲတွေက ပြောပါတယ်။ သူ့ကို မြို့ထဲက ဆေးရုံတစ်ခုမှာ ချုပ်နှောင်ထားပြီး စစ်ဆေး မေးမြန်းနေပါတယ်။ သူ့ရဲ့ တိုက်ခိုက်မှုကြောင့် ၃ ဦးသေပြီး ၅ ဦး ဒဏ်ရာ ရခဲ့ပါတယ်။

တရားခံဟာ လူတွေကို ရန်ပြုတဲ့ အချိန်မှာ အလာဟူ အက္ကဘားလို့ အော်ဟစ်နေခဲ့ကြောင်း မျက်မြင်တစ်ဦးက ပြောပါတယ်။ ဒါပေမဲ့ ဒီကိစ္စဟာ အကြမ်းဖက်ဝါဒနဲ့ ဆက်စပ်သလား ဆိုတာကို ရဲတွေက လတ်တလော အတည်မပြုသေးပါဘူး။ ရဲတပ်ဖွဲ့ရဲ့ အဆိုအရ သံသယ တရားခံဟာ ရာဇဝတ်မှု ကျူးလွန်ဖူးတဲ့ မှတ်တမ်းမျိုး ရှိပေမယ့် အကြမ်းဖက် လှုပ်ရှားမှုတွေနဲ့ ပတ်သက်တာမျိုး မတွေ့သေးဘူးလို့ သိရပါတယ်။

You May Also Like

နိုင်ငံတကာ

လောလောဆယ်မှာတော့ အမေရိကန်ကလည်း ယူကရိန်းအတွက် M1 Abrams တင့်ကား ၃၁ စီး ပံ့ပိုးပေးဖို့ ကတိပြုထားပေမယ့် တိုက်လေယာဉ်တွေ ပို့ဆောင်မယ့် အလားအလာတော့ မရှိသေးပါဘူး။

ဗီဒီယို

ရုရှားနိုင်ငံဆိုင်ရာ အမေရိကန် သံရုံးကတော့ အခုကိစ္စနဲ့ ပတ်သက်ပြီး အမေရိကန်ဟာ ရုရှားကို နောက်တစ်ကြိမ် ပေါ်ပေါ်ထင်ထင် ရန်စလိုက်တာ ဖြစ်တယ်လို့ စွပ်စွဲထားပါတယ်။

သတင်း

Fortify Rights အဖွဲ့နဲ့ ဂျာမနီ နိုင်ငံရောက် လူပုဂ္ဂိုလ် ၁၆ ဦးတို့ဟာ မြန်မာစစ်တပ်ရဲ့ ၂၀၁၇ တုန်းက ရိုဟင်ဂျာ မွတ်ဆလင်တွေအပေါ် အကြမ်းဖက်ခဲ့တဲ့ လုပ်ရပ်တွေနဲ့ ၂၀၂၁ ခုနှစ်က အာဏာသိမ်းခဲ့တဲ့ ဖြစ်စဉ်နောက်ပိုင်း ကျူးလွန်ခဲ့တဲ့ ပြစ်မှုတွေအတွက် အခုလို တိုင်ချက်ဖွင့်ခဲ့တာပါ။

နိုင်ငံတကာ

ဂျာမနီလို ဥရောပရဲ့ အင်အား အကြီးဆုံး နိုင်ငံတစ်ခုမှာ အာဏာသိမ်းဖို့ အကြံအစည်မျိုး ရှိနေတယ် ဆိုတာက အစိုးရအတွက် သတိပေး တပ်လှန့်မှုတစ်ခု ဖြစ်လာသလို နောက်ဆက်တွဲ စုံစမ်း စစ်ဆေးမှုတွေကို တင်းတင်းကျပ်ကျပ် လုပ်ဆောင်နေကြောင်း သိရပါတယ်။