Connect with us

Hi, what are you looking for?

LuduNwayOo

နိုင်ငံတကာ

အိန္ဒိယနိုင်ငံက ဒေလီလေဆိပ် terminal ထွက်ပေါက် အမိုးပြိုကျပြီး ထိခိုက်သေကြေမှုတွေ ဖြစ်ပေါ်

အမိုးပြိုကျချိန်မှာ ကား ၄ စီးက ဆိုးဆိုးရွားရွား ပျက်စီးသွားခဲ့ပြီး ဒဏ်ရာရသူ ၈ ဦးရဲ့ အခြေအနေကတော့ စိုးရိမ်စရာ မရှိဘူးလို့ သိရပါတယ်။

အိန္ဒိယနိုင်ငံက ဒေလီလေဆိပ် terminal ထွက်ပေါက် အမိုးပြိုကျပြီး ထိခိုက်သေကြေမှုတွေ ဖြစ်ပေါ်
အိန္ဒိယနိုင်ငံက ဒေလီလေဆိပ် terminal ထွက်ပေါက် အမိုးပြိုကျပြီး ထိခိုက်သေကြေမှုတွေ ဖြစ်ပေါ်

အိန္ဒိယနိုင်ငံ၊ ဒေလီမြို့တော် လေဆိပ်တစ်ခုရဲ့ ထွက်ပေါက်မှာရှိတဲ့ ကားလမ်းပေါ်ကို အမိုးပြိုကျခဲ့တာကြောင့် ထိခိုက်သေကြေမှုတွေ ဖြစ်ပေါ်ခဲ့ပါတယ်။

ဇွန်လ ၂၇ ရက်နေ့တုန်းက လေဆိပ်ရဲ့ Terminal အမှတ် ၁ ထွက်ပေါက်နားက ကားတွေ ရပ်နေတဲ့ လမ်းပေါ်ကို အမိုးကြီး ရုတ်တရက် ပြိုဆင်းလာခဲ့တာ ဖြစ်ပါတယ်။ မျက်မြင်တွေက အမိုးကို ထောက်ကန်ပေးထားတဲ့ တိုင်လုံးတွေကလည်း ကားလမ်းပေါ် ရပ်ထားတဲ့ ကားတွေပေါ် ကျိုးကျကုန်တယ်လို့ ပြောပါတယ်။

အဲဒီဖြစ်စဉ်မှာ လူ ၁ ဦးသေဆုံးပြီး ၈ ဦး ဒဏ်ရာရခဲ့တယ်လို့ သတင်းတွေက ဖော်ပြခဲ့ပါတယ်။ မတော်တဆ အခြေအနေကြောင့် Terminal အမှတ် ၁ မှာ လေယာဉ် ခရီးစဉ်တွေ အားလုံးအတွက် ဝန်ဆောင်မှုကို ယာယီ ရပ်ဆိုင်းထားလိုက်ကြောင်း လေဆိပ် အာဏာပိုင်တွေက ထုတ်ပြန်ခဲ့ပါတယ်။

အမိုးပြိုကျမှု အကြောင်းရင်းကို ဆက်လက် စစ်ဆေးနေဆဲဖြစ်ကြောင်း၊ ဒါပေမဲ့ အဲဒီပြဿနာ မတိုင်ခင် လေဆိပ်တဝိုက်မှာ မိုးသည်းသည်းမည်းမည်း ရွာသွန်းနေခဲ့တာနဲ့ ဆက်စပ်မှု ရှိနိုင်ကြောင်း လေဆိပ် တာဝန်ရှိသူ တစ်ဦးက ပြောပါတယ်။

Public Service Announcement

Public Service Announcement

အမိုးပြိုကျချိန်မှာ ကား ၄ စီးက ဆိုးဆိုးရွားရွား ပျက်စီးသွားခဲ့ပြီး ဒဏ်ရာရသူ ၈ ဦးရဲ့ အခြေအနေကတော့ စိုးရိမ်စရာ မရှိဘူးလို့ သိရပါတယ်။

အခုဖြစ်ရပ်ကြောင့် ထောင်နဲ့ချီတဲ့ ခရီးသည်တွေ၊ အထူးသဖြင့် ပြည်တွင်း ခရီးစဉ်တွေ ထွက်ခွာမယ့်သူတွေဟာ နှောင့်နှေးမှုတွေ ကြုံခဲ့ရပါတယ်။ လေကြောင်းလိုင်း တချို့ကတော့ လေဆိပ်မှာ ရှိနေတဲ့ တခြား Terminal နှစ်ခုဆီ ခရီးစဉ်တွေ ရွှေ့ပြောင်းဖို့ ကတိုက်ကရိုက် လုပ်ဆောင်ခဲ့ကြပါတယ်။

ဒေလီနိုင်ငံတကာ လေဆိပ် ကုမ္ပဏီ လီမိတက်က ဖြစ်စဉ်ကို အသေးစိတ် စုံစမ်းဖို့ နည်းစနစ် ကော်မတီ တစ်ရပ်ကို ဖွဲ့စည်းထားပြီး ဖြစ်တယ်လို့ ကြေညာခဲ့ပါတယ်။ ဆက်စပ် အေဂျင်စီတွေနဲ့ ညှိနှိုင်းပြီး terminal အမှတ် ၁ မှာ ပုံမှန် လုပ်ငန်းတွေ လည်ပတ်နိုင်ဖို့လည်း အပူတပြင်း ဆောင်ရွက်နေတယ်လို့ ကုမ္ပဏီဖက်က ထုတ်ပြန်ခဲ့ပါတယ်။

အိန္ဒိယ ဖက်ဒရယ် အစိုးရရဲ့ လေကြောင်း ပို့ဆောင်ရေး ဝန်ကြီး ရမ်မိုဟန် နိုင်ဒူ ကျင်ဂျာရာပူက သေဆုံးသူရဲ့ မိသားစုအတွက် ရူပီး ၂ သန်း (ဒေါ်လာ ၂၄၀၀၀ ဝန်းကျင်)နဲ့ ဒဏ်ရာရသူ တစ်ဦးစီအတွက် ရူပီး ၃ သိန်းစီ နစ်နာကြေး ပေးသွားမယ်လို့ ကြေညာထားပါတယ်။

ကိုးကား: BBC⁩

ဆက်စပ်သတင်းများ

နိုင်ငံတကာ

NTA အကြီးအကဲ ဆင်းက အခုအခါ ရာထူးက ထုတ်ပယ် ခံလိုက်ရပြီ ဖြစ်သလို PhD စာမေးပွဲ တစ်ခုကလည်း မေးခွန်းစာရွက်ဟာ dark webထဲမှာ ကြိုတင် ပေါက်ကြားနေတာကြောင့် စာမေးပွဲကို လတ်တလော ပယ်ဖျက်ထားလိုက်ရပါတယ်။

နိုင်ငံတကာ

ရုရှားစစ်တပ်ထဲမှာ အမှုထမ်းရင်း အိန္ဒိယ နိုင်ငံသားနှစ်ဦးဟာ ယူကရိန်း ပဋိပက္ခမှာ သေဆုံးသွားတယ်ဆိုတဲ့ သတင်းအတွက် ဝမ်းနည်းမိကြောင်း အိန္ဒိယ နိုင်ငံခြားရေး ဝန်ကြီးဌာနက ထုတ်ပြန်ပါတယ်။

နိုင်ငံတကာ

ဒီနှစ် ရွေးကောက်ပွဲမှာ အတိုက်အခံတွေဟာ ပိုပြီး စုစုစည်းစည်းနဲ့ မိုဒီကို စိန်ခေါ်ဖို့ ကြိုးစားလာခဲ့သလို နိုင်ငံရဲ့ တချို့သော မဲဆန္ဒနယ်တွေမှာ BJPရဲ့ မူဝါဒတွေအပေါ် လူကြိုက်များမှုလည်း ကျဆင်းလာပါတယ်။

နိုင်ငံတကာ

၂၀၁၄ ခုနှစ် ကတည်းက ဝန်ကြီးချုပ် ဖြစ်လာတဲ့ မိုဒီဟာ ပြည်တွင်းမှာ လူကြိုက်များဆဲ ဆိုပေမယ့် အခုနှစ် ရွေးကောက်ပွဲမှာတော့ အဓိကပြိုင်ဘက် ရာဟူလ်ဂန္ဒီ ဦးဆောင်တဲ့ အတိုက်အခံတွေ စုစည်းပြီး သူ့ကို အပြင်းအထန် ဖိအားပေးဖို့ ကြိုးစားခဲ့ပါတယ်။