ဇူလိုင်-၂၊၂၀၂၆။People’s Spring
၂၀၂၆ ကမ္ဘာ့ဖလားမှာ နာမည်ကြီးကစားသမားအများစု ခြေစွမ်းပြ ဂိုးတွေအပြိုင်သွင်းယူနေတာကြောင့် ရွှေဖိနပ်ဆုအတွက် ပြိုင်ပွဲဟာ အကြိတ်အနယ်ဖြစ်နေပါတယ် ။
မြန်မာအချိန် ဇူလိုင် ၂ ရက် မနက်ခင်းပွဲတွေယှဥ်ပြိုင်ပြီးချိန်အထိ ရွှေဖိနပ်ဆုအတွက် မက်ဆီ ၊အမ်ဘက်ပီ ၊ဟာလန် ၊ဟယ်ရီကိန်း ၊ဗီနီးစီးယက်စ် ဂျူနီယာ ၊ဒန်ဘီလီ တို့က ထိပ်ဆုံးကဦးဆောင်နေပါတယ်။
၃၂ သင်းရှုံးထွက်အဆင့် ပွဲတွေကန်မပြီးသေးခင် ဇူလိုင် ၂ ရက်အထိ ရွှေဖိနပ်ဆုအတွက် မက်ဆီ နဲ့ ဘက်ပီတို့ က ၆ ဂိုးစီ နဲ့ဦးဆောင်နေပါတယ် ။ မက်ဘီက ၄ ပွဲကစားပြီး ၃၇၈ မိနစ် ကစားတာမှာ ၆ ဂိုးသွင်းယူထားတာဖြစ်ပါတယ် ။မက်ဆီက ၃ ပွဲ (၁ ပွဲကလူစားဝင်)ကစားပြီး မိနစ်ပေါင်း ၂၂၃ မိနစ်ကစားပြီး ၆ ဂိုးသွင်းယူထားတာပါ ။
Public Service Announcement
ဒါ့ကြောင့် မြန်မာစံတော်ချိန် လာမယ့်စနေနေ့ မနက်မှာ အာဂျင်တီးနား နဲ့ ကိတ်ဗာဒီ တို့ရဲ့ ၃၂ သင်းရှုံးထွက်ပွဲမှာမက်ဆီဂိုးထပ်သွင်းရင်ဦးဆောင်မှုကိုထပ်တိုးနိုင်မှာဖြစ်ပါတယ်။
သူတို့ ၂ ဦးရဲ့နောက်မှာ ဟာလန် နဲ့ဟယ်ရီကိန်း တို့က ၅ ဂိုးစီနဲ့ဖိအားပေးနေပါတယ်။
ဟာလန်က ၃၀၉ မိနစ်ကစားပြီး ၅ ဂိုး သွင်းယူထားပြီး ၊ကိန်းက ၃၉၄ မိနစ်ကစားပြီး၅ ဂိုး ရထားတာပါ ။
သူတို့ ၄ ဦးနောက်မှာ အခုကမ္ဘာ့ဖလားမှာခြေစွမ်းပြနေတဲ့ ဒမ်ဘီလီ နဲ့ ဗီနီစီးယက်စ် တို့က ၄ ဂိုးစီနဲ့ ရှိနေပါတယ် ။ဒန်ဘီလီက ၄ ဂိုးရဖို့ ၃၀၄ မိနစ်ကစားခဲ့ရပြီး ၊ ဗီနီစီးယက်စ်ကတော့ ၄ ပွဲလုံးပွဲချိန်ပြည့် ၃၉၈ မိနစ်ကစားပြီး ၄ ဂိုးရထားတာပါ ။
ဒါကြောင့် အခုကမ္ဘာ့ဖလားဟာပြိုင်ပွဲမတိုင်ခင်ကတည်းက ခြေစွမ်းပြနိုင်တယ်ထင်ကြေးပေးခံရတဲ့ ကစားသမားအများစု ဂိုးသွင်းခြေမြူနေကြတာဖြစ်ပါတယ်။ ဒီထဲမှာ အများမထင်ထားပဲ အသက် ၃၉ နှစ်ရှိနေတဲ့တိုင် လူငယ်ခြေတက်တွေနဲ့ အပြိုင် ဂိုးသွင်းနေတာက မက်ဆီပဲဖြစ်ပါတယ် ။
အသက် ၄၁ နှစ်အရွယ် ရော်နယ်ဒိုကလည်း အုပ်စုတွင်း ၂ ဂိုးသွင်းထားပြီး ၃၂ သင်းရှုံးထွက်အဆင့် ခရိုအေးရှားနဲ့ပွဲမှာဂိုးသွင်းနိုင်မလားစောင့်ကြည့်ရပါမယ် ။ ပြိုင်ပွဲမှာ အထူးခြေစွမ်းပြဖို့ ထင်ကြေးပေးခံထားရတဲ့ လာမိုင်ယာမယ်လ် ကတော့ ဒဏ်ရာကသက်သာပျောက်ကင်းစမှာ သွင်းဂိုး ၁ ဂိုးပဲ ရထားပါသေးတယ် ။
၂၀၂၂ ကမ္ဘာ့ဖလား ရွှေဖိနပ်ဆုကို ဘက်ပီက သွင်းဂိုး ၈ ဂိုး နဲ့ ရခဲ့ပြီး ၂၀၁၈ ကမ္ဘာ့ဖလားရွှေဖိနပ်ဆုကို ဟယ်ရီကိန်းက သွင်းဂိုး ၆ ဂိုးနဲ့ဆွတ်ခူးခဲ့ကာ ၊၂၀၁၄ ကမ္ဘာ့ဖလားရွှေဖိနပ်ကိုဂျိမ်းစ်ရိုဒရီဂွတ်စ်က ၆ ဂိုးနဲ့ ရခဲ့ပါတယ် ။ဘောလွန်ဒီအောဆု စံချိန်တင် ၈ ကြိမ်ရထားတဲ့မက်ဆီက ကမ္ဘာ့ဖလားမှာရွှေဖိနပ်မရဘူးသေးပဲ ၂၀၂၂ မှာ ၇ ဂိုးနဲ့ ဒုတိယဂိုးအများဆုံးသွင်းသူပဲဖြစ်ခဲ့ပါတယ် ။ဒါပေမယ့် အာဂျင်တီးနားအသင်းခေါင်းဆောင်က ၂၀၁၄ နဲ့ ၂၀၂၂ ကမ္ဘာ့ဖလားပြိုင်ပွဲ ၂ ခုရဲ့အကောင်းဆုံးဘောလုံးသမားဆု (ရွှေဘောလုံးဆု)ကို စံချိန်တင်ပြီး ၂ ကြိမ်ရထားပါတယ်။
၂၀၂၆ ကမ္ဘာ့ဖလား ရွှေဖိနပ်ဆုကို ဘယ်သူဆွတ်ခူးနိုင်မယ်လို့ စာဖတ်ပရိတ်သတ်ရော ထင်ပါသလဲ။
ကိုးကား-FIFA
