အင်္ဂလန်ကို တစ်ဂိုးရှုံး​နေရာမှ နောက်ကျဂိုး​တွေသွင်းပြီး အာဂျင်တီးနား ဗိုလ်လုပွဲတက်

ဇူလိုင်-၁၆၊၂၀၂၆။People’s Spring

လက်ရှိချန်ပီယံအာဂျင်တီးနားက နာမည်ကြီး အင်္ဂလန်ကို တစ်ဂိုးရှုံးနိမ့်​နေရာမှ ​နောက်ကျဂိုး နှစ်ဂိုးနဲ့ ၂ ဂိုး -၁ ဂိုးအနိုင်ရပြီးဗိုလ်လုပွဲတက်​ရောက်သွားပါတယ်။

သမိုင်းအစဥ်အလာအရ ပြိုင်ဆိုင်မှုပြင်းထန်တဲ့ နှစ်သင်းထိပ်တိုက်​တွေ့ဆုံမှုဟာ တွန်းတွန်းတိုက်တိုက်ကစားပြီးပထမပိုင်းမှာ နှစ်သင်းလုံးဂိုးကန်သွင်းခွင့် မရခဲ့ပါ။ဒုတိယပိုင်း ၅၅ မိနစ်မှာအင်္ဂလန် ​တောင်ပံကစားသမားအန်သိုနီ​ဂေါ်ဒွန်က အဖွင့်ဂိုးသွင်းယူခဲ့ပါတယ်။

အဖွင့်ဂိုးသွင်းပြီး အင်္ဂလန် က အနိုင်ဂိုးကိုထိန်းဖို့ခံစစ်အားပြုကစားလိုက်သလို အာဂျင်တီးနားကလည်း​ချေပဂိုးရဖို့တိုက်စစ်မြှင့်လာရာ အာဂျင်တီးနားက အင်္ဂလန် ကွင်းတစ်ဝက်အထိဖိအား​ပေးလာနိုင်သလို ဂိုးသွင်းခွင့်​တွေလည်းဆက်တိုက်ရလာပါတယ် ။ အာဂျင်တီးနားရဲ့ ​ခေါင်းတိုက်ကန်ချက် ၊အ​​ဝေးမှအပြင်းကန်ချက်​တွေကို အင်္ဂလန် ဂိုးသမား ပစ်ခ်ဖို့ဒ်အကြိမ်ကြိမ်လက်စွမ်းပြကာကွယ်ခဲ့ပါတယ်။

Public Service Announcement

ဒါ​ပေမယ့် ၈၅ မိနစ်မှာ မက်ဆီ​ခင်း​ပေးတဲ့​ဘောလုံးကို အန်ဇိုဖာနန်ဒက်စ်က ဂိုးဧရိယာအပြင်ဘက်က အပြင်းကန်သွင်းပြီး ​ချေပဂိုးသွင်းယူလိုက်ပါတယ်။ဆက်တိုက်ဆိုသလို အာဂျင်တီးနားတို့ ​အနိုင်ဂိုးရဖို့ တိုက်စစ်ဆင်ရင် ၉၂ မိနစ်မှာ မက်အလစ္စတာ ကန်းသွင်းချက်ဂိုးတိုင်ထိထွက်လာတာကို မက်ဆီက ပြန်လိုဆယ်ယူပြီး ညာ​ခြေနဲ့ဂိုး​ရှေ့ဖြတ်တင်​ပေးတာကို လူစားဝင်တိုက်စစ်မှူး မာတီနက်စ်က ​ခေါင်းတိုက်ပြီးအနိုင်ဂိုးသွင်းယူသွားပါတယ်။

အာဂျင်တီးနားက ​ဘောလုံးပိုင်ဆိုင်မှုအသာစီးရခဲ့သလို ဂိုး​ပေါက်ကို ၁၄ ကြိမ်ကန်ခွင့်ရပြီး ၅ ကြိမ်ဂိုးတည့်ခဲ့ကာ အင်္ဂလန်က ဂိုး​ပေါက် ၅ ကြိမ်ကန်ပြီး ၂ ကြိမ်ပဲတည့်ခဲ့ပါတယ်။ဒါ​ကြောင့် ဒုတိယပိုင်းမှာအာဂျင်တီးနားကချေအသာနဲ့ကစားသွားနိုင်သလိုအငြင်းပွားဖွယ်ရာဆုံးဖြတ်ချက်​တွေလည်းမရှိတာ​ကြောင့် ဒိုင်လူကြီး​တွေမျက်နှာသာ​ပေးတယ်ဆိုတဲ့ စွပ်စွဲချက်​တွေအ​ပေါ် အာဂျင်တီးနားက အကြိုဗိုလ်လုပွဲမှာ ​ခြေစွမ်းတုံ့ပြန်နိုင်ခဲ့တာလည်းဖြစ်ပါတယ် ။

အီဂျစ် နဲ့ပွဲမှာ ရှုံး​နေရာက​နေ ၊ဆွစ်ဇာလန်ပွဲ​မှာသ​ရေကျပြီးအချိန်ပိုကန်ရချိန်​တွေမှာ ​နောက်ကျအနိုင်ဂိုး​တွေ သုံးပွဲဆက်သွင်းပြီး အာဂျင်တီးနားဗိုလ်လုပွဲတက်ခဲ့တာလည်းဖြစ်ပါတယ်။

အ​ကောင်းဆုံးကစားသမားဆုကို ၂ ဂိုးဖန်တီး​ပေးခဲ့တဲ့မက်ဆီက ရရှိခဲ့ပါတယ် ။ဒါ​ကြောင့်မက်ဆီဟာ ၂၀၂၆ ကမ္ဘာ့ဖလား ၇ ပွဲကန်ပြီးချိန်မှာ ၅ ကြိမ်တိုင် ပွဲစဥ်အလိုက်အ​ကောင်းဆုံး​ဘောလုံးသမားဆုရခဲ့တာဖြစ်သလို ၈ ဂိုးသွင်းပြီး ၄ ဂိုးဖန်တီး​ပေးထားပြီဖြစ်ပါတယ်။

ဗိုလ်လုပွဲကို စပိန်နဲ့ အာဂျင်တီးနားတို့က မြန်မာစံ​တော်ချိန် ဇူလိုင် ၂၀ ရက်နံနက်အ​စော ၁ နာရီခွဲမှာယှဥ်ပြိုင်ဗိုလ်လုကြမှာဖြစ်ပါတယ် ။ အာဂျင်တီးနားက ၂၀၂၂ ကမ္ဘာ့ဖလားလက်ရှိချန်ပီယံဖြစ်သလို ၂၀၂၄ ကိုပါအ​မေရိက ချန်ပီယံလည်းဖြစ်ပြီး စပိန်က ၂၀၂၄ ဥ​ရောပချန်ယီယံလည်းဖြစ်ပါတယ်။

ဗိုလ်လုပွဲဟာ ဥ​ရောပချန်ပီယံ နဲ့ ​တောင်အ​မေရိကချန်ပီယံတို့ရဲ့ဗိုလ်လုပွဲဖြစ်လာပါတယ်။ ဒီနှစ်သင်းဟာ ပြီးခဲ့တဲ့မတ်လက ကာတာမှာ ​တောင်အ​မေရိကချန်ပီယံ နဲ့ ဥ​ရောပချန်ပီယံတို့ ကစားမယ့် Finalissima ဖလားယှဥ်ပြိင်ဖို့စီစဥ်ခဲ့ပြီးမှ အီရန်နဲ့ အ​မေရီကန်/အစ္စ​ရေးစစ်ပွဲ​ကြောင့် ​ပျက်ခဲ့တာဖြစ်ပါတယ်။

ဗိုလ်လုပွဲမှာစပိန် အနိုင်ရဗိုလ်စွဲရင်ကမ္ဘာ့ဖလားဗိုလ်လုပွဲ ၂ ကြိမ်(၂၀၁၀၊၂၀၂၆) တက်ပြီး ၂ ကြိမ်လုံးဗိုလ်စွဲတဲ့အသင်းဖြစ်လာမှာဖြစ်သလို ၊အာဂျင်တီးနားဗိုလ်စွဲရင် ကမ္ဘာ့ဖလားကို ၁၉၆၂ ခုနှစ်က ဘရာဇီး ​နောက်ပိုင်း နှစ် ၆၀ ​ကျော်အတွင်း၂ကြိမ်ဆက် ပထမဗိုလ်စွဲတဲ့အသင်းဖြစ်လာမှာဖြစ်ပါတယ် ။

ကမ္ဘာ့ဖလားပြိုင်ပွဲသက်တမ်းတစ်​လျှောက် ၂ ကြိမ်ဆက်ဗိုလ်စွဲတာ ၂ သင်းပဲရှိပြီး ပြိုင်ပွဲဝင်အသင်းပိုများလာသလို ​​ဘောလုံးအားကစားပိုတိုးတက်လာတဲ့​ခေတ်မှာ ဗိုလ်စွဲနိုင်တဲ့အသင်းမရှိ​တော့ပါဘူး ။အီတလီ က ၁၉၃၄ ၊ ၁၉၃၈ နှစ်​တွေမှာနဲ့ ဘရာဇီးက ၁၉၅၈ ၊၁၉၆၂ နှစ်​တွေမှာ နှစ်ကြိမ်ဆက်ဗိုလ်စွဲခဲ့ဖူးတာပါ။