ဘန်ကောက် စျေးဝယ်စင်တာ စက်လှေကားကနေ လူပြုတ်ကျပြီး သေဆုံး

ထိုင်းနိုင်ငံ၊ ဘန်ကောက်မြို့တော်ရဲ့ စျေးဝယ်စင်တာ တစ်ခုမှာ စက်လှေကား အမြင့်ကနေ ပြုတ်ကျပြီး အမျိုးသားတစ်ဦး သေဆုံးသွားကြောင်း သိရပါတယ်။

Terminal 21 စျေးဝယ်စင်တာမှာ ဩဂုတ် ၃၁ ရက် ညပိုင်းက လူသေမှု ဖြစ်ခဲ့တာပါ။ အသက် ၃၀ အရွယ်လောက်လို့ ယူဆရတဲ့ အမျိုးသားဟာ ၄ ထပ်မှာ ရွေ့လျားနေတဲ့ စက်လှေကားကနေ အောက်ဆုံးထပ်ထိ ပြုတ်ကျခဲ့တာ ဖြစ်ပါတယ်။

မျက်မြင်တွေရဲ့ အဆိုအရ အဲဒီ အမျိုးသားဟာ အောက်ဆင်းလာတဲ့ စက်လှေကားမှာ တစ်ဦးတည်း စီးနင်း လိုက်ပါလာခဲ့ကြောင်း၊ လှေကားရဲ့ တစ်ဝက်လောက် အရောက်မှာ လက်ရန်းကို ရုတ်တရက် ကိုင်လိုက်ဟန် တွေ့ရပြီး ဘေးဖက်ကို ပြုတ်ကျသွားခဲ့တာဖြစ်ကြောင်း သိရပါတယ်။

သူဟာ မြေပြင်ပေါ် လဲနေချိန်မှာ သတိမေ့နေပြီး အသက်လည်း မရှူတော့ပါဘူး။ မြင်ကွင်းကို တွေ့လိုက်ရတဲ့ စျေးဝယ်သူတွေဟာ အခုဖြစ်ရပ်ကြောင့် အရမ်းတုန်လှုပ်ခဲ့ကြပါတယ်။

Public Service Announcement

အဲဒီအမျိုးသား ဘာကြောင့် ပြုတ်ကျသလဲဆိုတာကိုတော့ တိတိကျကျ မသိရသေးပါဘူး။ ဘန်ကောက် ရဲတပ်ဖွဲ့ဟာ ဖြစ်စဉ်နဲ့ ပတ်သက်လို့ သေမှုသေခင်း အမှုဖွင့်ပြီး ဆက်လက် စုံစမ်းနေပါတယ်။

ကိုးကား: Bangkok Post