The Shepherd (2023)
ဝဇီရာ/People’s Spring
၁၉၅၇ ခုနှစ်၊ ခရစ္စမတ်အကြိုညမှာ လူငယ်လေယာဉ်မှူး Freddie Hooke ဟာ ဂျာမနီကနေ အင်္ဂလန်ကို တစ်ယောက်တည်း လေယာဉ်မောင်းပြီး ပြန်လာခဲ့ပါတယ်။ လမ်းခုလတ် မြောက်ပင်လယ် (North Sea) အထက်မှာ သူ့လေယာဉ်ရဲ့ လျှပ်စစ် စနစ်တစ်ခုလုံး ပြတ်တောက်သွားပြီး ရေဒီယိုရော၊ သံလိုက်အိမ်မြှောင်ပါ အလုပ်မလုပ်တော့ပါဘူး။
ဆီကလည်း ကုန်ခါနီး၊ မြေပြင်မှာလည်း မြူတွေဆိုင်းနေတဲ့အတွက် သူဟာ ကောင်းကင်ယံမှာ လမ်းပျောက်ပြီး သေဘေးနဲ့ ရင်ဆိုင်ရပါတော့တယ်။ အဲဒီအချိန်မှာပဲ မြူတွေကြားထဲကနေ ရှေးဟောင်းလေယာဉ်တစ်စီး ပေါ်လာပြီး သူ့ကို ဘေးကင်းရာဆီ လမ်းပြ (Shepherd) ခေါ်ဆောင်သွားခဲ့တယ်။
Public Service Announcement
လေဆိပ်ရောက်တော့ သူ့ကို လာခေါ်ပေးတဲ့ လမ်းပြလေယာဉ်မှူးကြီးရဲ့ အကူအညီနဲ့ Freddie ဟာ မြူထူတွေကြားကနေ လေယာဉ်ကွင်းဟောင်းတစ်ခုဆီ ဘေးကင်းစွာ ဆင်းသက်နိုင်ခဲ့ပါတယ်။
Freddie ဆင်းသက်ပြီးပြီးချင်းမှာပဲ သူ့ကို လမ်းပြပေးခဲ့တဲ့ Mosquito အမျိုးအစား လေယာဉ်ကြီးဟာ ကောင်းကင်ယံထဲမှာပဲ အရိပ်အယောင်တောင် မကျန်ဘဲ ပျောက်ကွယ်သွားခဲ့ပါတယ်။ Freddie ဟာကျေးဇူးတင်စကားလေးတောင်မပြောခဲ့လိုက်ရပါဘူး။
Freddie ဟာ လေယာဉ်ကွင်းရုံးခန်းကိုရောက်တော့ အနားယူရင်း ဓာတ်ပုံံတစ်ပုံကို တွေ့လိုက်ရပါတယ်။ အဲဒီဓာတ်ပုံထဲက လူကတော့ Freddie ကို လမ်းပြခဲ့တဲ့ လေယာဥ်မှူးကြီး ဖြစ်နေတာပါ။
လေယာဥ်ကွင်းက တာဝန်ရှိသူကို မေးကြည့်တော့ လွန်ခဲ့တဲ့ ၁၄ နှစ် (ဒုတိယကမ္ဘာစစ်အတွင်း၊ ၁၉၄၃ ခုနှစ်) ခရစ္စမတ်ညမှာ Freddie လိုပဲ လမ်းပျောက်နေတဲ့လေယာဉ်မှူးတွေကိုလမ်းပြကူညီရင်းပျောက်ဆုံးသွားသူပါတဲ့။
ပြီးခဲ့တဲ့ နှစ်နှစ်လောက်က စစ်ကိုင်းတိုင်းထဲက မီးရှိူ့ခံရပြီး ရဲဘော်တွေပါ ရက်ရက်စက်စက် သတ်ဖြတ်ခံလိုက်ရတဲ့ ရွာလေးတစ်ရွာက ရဲဘော်တစ်ဦးနဲ့ စကားပြောခဲ့ဖူးပါတယ်။ ညညဆို ပြာကျနေတဲ့ ရွာထဲမှာ ရဲဘော်တွေရဲ့ ကင်းပတ်ရင် ကြားနေကျ ခြေသံတွေ ကြားရပါသတဲ့။
ပြည်သူတွေကတော့ အဲဒီသတင်းကြားလိုက်မိတော့ ပိုပြီး စိတ်ထိခိုက်ကြ၊ ကြေကွဲကြပါတယ်။ ဘဝကူးသွားတာတောင် ရဲဘော်တွေဟာ တော်လှန်ရေးမှာ ဆက်ပါနေတုန်းပါပဲလို့ သူက ပြောပြခဲ့တယ်။
နွေဦးတော်လှန်ရေးကာလ ၅ နှစ်ပြည့်ပါတော့မယ်။ ပေးဆပ်လိုက်ရတဲ့ ရဲဘော်တွေရဲ့အသက်တွေလည်း မနည်းမနောပါ။ သူတို့တတွေ တမလွန်ကနေ စိတ်ဖြောင့်မယ်တော့ မထင်ပါ။
