မိုးမိုး/People’sSpring
မွန်ပြည်နယ် မုဒုံမြို့နယ်အခြေစိုက် စစ်ကောင်စီ အမြောက်တပ်ကို ဒရုန်း၊ ရှေ့ာတိုက်ဒုံးများဖြင့် တိုက်ခိုက်ခဲ့ကြောင်း အဆိုပါတိုက်ခိုက်မှုတွင်ပါဝင်သည့် မွန်ပြည်နယ်အခြေစိုက် တိုင်းရင်းသားတပ်ဖွဲ့များက သတင်းထုတ်ပြန်သည်။
ပြည်သူလူထု၏ နေအိမ်များအား လက်နက်ကြီးဖြင့် ရမ်းသမ်းပစ်ခတ်နေသည့် မုဒုံမြို့နယ်အဘစ်ကျေးရွာရှိ အာဏာသိမ်း စစ်ကောင်စီ၏ အမတ (၃၁၈တပ်ရင်းကို အောက်တိုဘာ ၈ရက် နံနက်ကစ၍ ၅နာရီကြာ ရှော့တိုက်ဒုံးနှင့် SF-Z ဒရုန်း (Drone)များ အသုံးပြုတိုက်ခိုက်ခဲ့သည်ဟု မွန်ပြည်သစ်ပါတီ စစ်အာဏာရှင်တိုက်ဖျက်ရေး- (NMSP-AD)၊ မွန်ပြည်တော်လှန်ရေးတပ် – (MSRF)တို့က ထုတ်ပြန်ထားသည်။
Public Service Announcement
အဆိုပါတိုက်ခိုက်မှုကို NMSP-AD၊ MSRF ၊ မွန်ပြည်ကာကွယ်ရေးတပ် – (MSDF) ၊ Saw Dragon Drone Force – SDDF (ဒရုန်းအထူးတပ်ဖွဲ့)၊ Ye Air Force – (YAF) ၊ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ် တပ်ဦး (ABSDF) တပ်ရင်း(၁)၊ ပြည်သူ့ကာကွယ်ရေးတပ်မတော်ဒေါနတပ်ရင်း(တပ်ခွဲ – ၂)၊ ကံပေါက်ပြည်သူ့ကာကွယ်ရေးတပ်ဖွဲ့ -KBDF (ဒေါနတပ်ခွဲ – ၄)၊ ထားဝယ်ခရိုင် အမှတ်(၂) တပ်ရင်း – T5 နှင့် ထားဝယ်ခရိုင်ပြည်သူ့ကာကွယ်ရေးတပ်ဦး – (DDPDF) တို့ ပူးပေါင်းဆောင်ရွက်ခဲ့သည်ဟု အသိပေးသည်။
မုဒုံမြို့နယ် အဘစ်ကျေးရွာရှိ စစ်ကောင်စီ၏ အမတ(၃၁၈) တပ်ရင်းအား တိုက်ခိုက်ရန်ပြင်ဆင်နေသော တော်လှန်ရေးရဲဘော်များ။ ဓာတ်ပုံ – ဒေါနစစ်ကြောင်း မုဒုံမြို့နယ် အဘစ်ကျေးရွာရှိ စစ်ကောင်စီ၏ အမတ(၃၁၈) တပ်ရင်းအား တိုက်ခိုက်ရန်ပြင်ဆင်နေသော တော်လှန်ရေးရဲဘော်များ။ ဓာတ်ပုံ – ဒေါနစစ်ကြောင်း မုဒုံမြို့နယ် အဘစ်ကျေးရွာရှိ စစ်ကောင်စီ၏ အမတ(၃၁၈) တပ်ရင်းအား တိုက်ခိုက်ရန်ပြင်ဆင်နေသော တော်လှန်ရေးရဲဘော်များ။ ဓာတ်ပုံ – ဒေါနစစ်ကြောင်း
တော်လှန်ရေးပူးပေါင်းအဖွဲ့များမှရှော့တိုက်ဒုံး ၊SF-Z ဒရုန်း (Drone) ဖြင့် တိုက်ခိုက်မှုကြောင့် အမတ – ၃၁၈ရှိလက်နက်ကြီး အထိုင်စခန်းနေရာထိခိုက်ပျက်စီးခဲ့ပြီး လက်နက်တိုက်နှင့် အခြားအဆောက်အအုံများလည်း ထိခိုက်ပျက်စီးခဲ့ကြောင်း၊ စစ်ကောင်စီတပ်ဖွဲ့ဝင် ၃ဦးသေဆုံးကာ ၁ဦး ဒဏ်ရာရရှိခဲ့ကြောင်း ထုတ်ပြန်သည်။
“မြေပြင်အတည်ပြုချက်အရ ၃ ဦးသေ ၁ ဦးဒဏ်ရာရပါတယ်”ဟု တိုက်ခိုက်ရာတွင်ပါဝင်သော ဒေါနစစ်ကြောင်းမှ တာဝန်ရှိသူတစ်ဦးက ပြောသည်။
အဆိုပါစစ်ဆင်ရေးတွင် တော်လှန်ရေးပူးပေါင်းအဖွဲ့များမှ အထိအခိုက်မရှိခွာစစ်ဆင်နိုင်ခဲ့ကြောင်းလည်း ထုတ်ပြန်အသိပေးထားသည်။
