ကန့်ဘလူမြို့တွင်ဒလန်အသတ်ခံရသည့် အမှုစစ်ဆေးရန်လာသော အကြမ်းဖက်စစ်ကောင်စီကားအား မိုင်းဆွဲတိုက်ခိုက်ရာ စခန်းမှုးအပါအဝင်သုံးဦး သေဆုံးသွားသည်ဟု KBU-UGအဖွဲ့က ထုတ်ပြန်သည်။
ကန့်ဘလူမြို့နယ် ရဲဒွေးကျေးရွာမှ ဒလန်ရှင်းလင်းခံရသောအမှုကို စစ်ဆေးရန် ထန်းကုန်းစခန်းမှလာသော ရဲ ၁၀ယောက်အား KBU-UG မှ စောင့်ကြိုမိုင်းဆွဲတိုက်ခိုက်ခဲ့ခြင်းဟု ယနေ့(အောင်တိုဘာ ၂၇)ရက်တွင် သတင်းထုတ်ပြန်ထားသည်။
“ရဲဒွေးရွာမှာ ပေါက်ကွဲမှု ဖြစ်တာတော့ ဟုတ်တယ်။ရဲတွေ သေတယ်လည်း ကြားတယ်။ ဘူနာတင်ကားတွေလည်း သွားကြတယ်။ ဘယ်အဖွဲ့က ဆော်လိုက်တာလဲတော့ ကျတော် မသိသေးဘူး” ကန့်ဘလူမြို့ခံတစ်ဦးကပြောသည်။
ရဲဒွေးရွာမှ ပေါတုတ်ဆိုသူသည် ပျူစောထီးအဖွဲ့ဝင်ဖြစ်ပြီး စစ်ကောင်စီသတင်းပေးလည်း လုပ်နေ၍ KBU-UGက အောက်တိုဘာ ၂၀ရက်တွင် သုတ်သင်ခဲ့ခြင်းဖြစ်သည်ဟု ဆိုသည်။
Public Service Announcement
Kanbalu Underground Warriors (KBU-UG)သည် စစ်အာဏာရှင်နှင့် သတင်းပေးဒလန်များအား ပြောက် ကျားစနစ်ဖြင့် သုတ်သင်နေသည့် ဒေသခံပြည်သူ့ကာကွယ်ရေးအဖွဲ့ဖြစ်သည်။
