မန္တလေးတိုင်း အတွင်းက စဉ့်ကိုင်မြို့ မှာ နေအိမ်အချို့ကို စစ်ကောင်စီတပ်ဖွဲ့ဝင်တွေဝင်ရောက်ရှာဖွေခဲ့ကြပြီး အမျိုးသား ၅ ဦးကို PDF လို့ ဆိုကာ မနေ့ကအောက်တိုဘာ ၂၉ ရက်မှာဖမ်းဆီးသွားတယ်လို့သိရပါတယ်။
စဉ့်ကိုင်မြို့ပေါ်ရှိ မြို့သစ်ရပ်ကွက် ၊ တရုတ်စုရပ်ကွက် ကြက်မျှားကျေးရွာတို့မှ အမျိုးသားငါးဦးကို ဖမ်းဆီးခဲ့တာဖြစ်တယ်လို့ ဒေသခံများကပြောပါတယ်။
” မနေ့ကတော့ ရပ်ကွက်တွေထဲက အိမ်တွေကိုလိုက်စစ်တာလုပ်တယ်။ PDFတွေသတင်းရတယ်ဆိုပြီး စစ်ကြတာ။ ကြားရသလောက်က လက်နက်တွေမိတာလို့တော့မကြားဘူး။ကြက်မျှားဘက်ကတစ်ယောက်တော့ ဓားမိတယ်လို့ပြောတယ်”လို့ စဉ့်ကိုင်မြို့ပေါ်တွင် နေထိုင်သူတစ်ဦးကပြောပါတယ်။
ဖမ်းဆီးခံရသူများရဲ့ မိသားစုဝင်များကို မေးမြန်းဖို့ ဆက်သွယ်ခဲ့ပေမယ့် ဆက်သွယ်လို့မရခဲ့ပါဘူး။
Public Service Announcement
လက်ရှိမှာတော့ အဲဒီအမျိုးသားငါးဦးကို စဉ့်ကိုင်ရဲစခန်းမှာ ဖမ်းဆီးစစ်ဆေးနေတယ်လို့သိရပါတယ်။
