ကျော်ဇော/People’s Spring
စစ်အုပ်စုအာဏာသိမ်းသည့် ၄ နှစ်ပြည့်တွင် စစ်အာဏာရှင်အမြစ်ဖြတ်ချေမှုန်းရေး တိုက် ပွဲခဲ့စဥ် ကျဆုံးခဲ့ရသော အာဇာနည်သူရဲ ကောင်းရဲဘော်များအား အောက်မေ့သတိရလျှက် ရဲဘော်များ၏ မိဘများထံသွားရောက် ၍ ထောက်ပံ့ငွေနှင့်အတူ ကန်တော့တောင်း ပန်ခဲ့ကြောင်း ပခုက္ကူခရိုင် တပ်ရင်း (၁၉) မှ တာဝန်ရှိသူတစ်ဦးဖြစ်သည့် ရဲဘော်မိုက်ကယ်က လူထုနွေဦးသို့ ပြော သည်။
ပြည်သူ့ထောက်ပံ့ငွေများနှင့်အတူ မိဘများအား သွားရောက်ကန်တော့ခြင်းနှင့် တောင်း ပန်ခြင်းကို တပ်ရင်း (၁၉) ၏ကွပ်ကဲမှုအောက်မှ တပ်ခွဲ ၃ ခု၏ ကျဆုံးရဲဘော် ၁၃ ဦး ၏ မိ ဘများအား ရဲဘော်တစ်ဦးလျှင် ငွေကျပ်နှစ်သိန်းဆီ ၎င်းတို့၏မိဘများထံ တပ်ရင်းတာ ဝန်ရှိသူများက သွားရောက်ကန်တော့ခြင်းဟုရဲဘော်မိုက်ကယ်က ပြောသည်။
ကျဆုံးရဲဘော်မိဘများအား ကိုယ်တိုင်ကိုယ်ကျ သွားရောက်ကန်တော့ တောင်းပန်ခဲ့သည့် ပခုက္ကူခရိုင် တပ်ရင်း ၁၉ မှရဲဘော်များ။ ဓာတ်ပုံ – တပ်ရင်း ၁၉ ကျဆုံးရဲဘော်မိဘများအား ကိုယ်တိုင်ကိုယ်ကျ သွားရောက်ကန်တော့ တောင်းပန်ခဲ့သည့် ပခုက္ကူခရိုင် တပ်ရင်း ၁၉ မှရဲဘော်များ။ ဓာတ်ပုံ – တပ်ရင်း ၁၉ ကျဆုံးရဲဘော်မိဘများအား ကိုယ်တိုင်ကိုယ်ကျ သွားရောက်ကန်တော့ တောင်းပန်ခဲ့သည့် ပခုက္ကူခရိုင် တပ်ရင်း ၁၉ မှရဲဘော်များ။ ဓာတ်ပုံ – တပ်ရင်း ၁၉
“ထောက်ပံ့ငွေက ကျဆုံးရဲဘော်တစ်ဦးဆီရဲ့ မိဘတွေကို ငွေကျပ်နှစ်သိန်းမျှသာ ကန်တော့နိုင်ခဲ့တာပါဗျ။ ဒါကလည်း ပြည်သူတွေဆီရတဲ့ ထောက်ပံ့ငွေတစ်ချို့ စုဆောင်းမိလို့ ကန် တော့ဖြစ်လိုက်တာပါခင်ဗျာ”ဟု ၎င်းက ဆက်ပြောသည်။
Public Service Announcement
တပ်ရင်းအနေဖြင့် ကျဆုံးရဲဘော်များ၏ မိဘများအား ကန်တော့ရာတွင် နယ်မြေအခြေအနေများအရ တော်လှန်ရေးတပ်ဖွဲ့များ၏ စိုးမိုးနယ်မြေအတွင်းရှိသော မိဘများကို ကိုယ်တိုင်ကိုယ်ကျ လက်အုပ်ချီကန်တော့နိုင်ခဲ့ပြီး သွားလာရေးမလွယ်ကူသည့် ဒေသရှိ မိဘများအား အခြားနည်းဖြင့်ဆက်သွယ်ကန် တော့ရခြင်းဖြစ်ကြောင်း ရဲဘော်မိုက်ကယ်က ရှင်းပြသည်။
ထို့အပြင် တပ်ရင်းအနေနှင့် ကျဆုံးရဲဘော်များ၏ မိဘ၊ ကျန်ရစ်သူမိသားစုများအား ထောက်ပံ့မှုပုံမှန်မလုပ်နိုင်သော်လည်း အလျဥ်းသင့်သလို ကြည့်ရှု့စောင့်ရှောက်လျှက် ထောက်ပံ့ကူညီမှုများလည်း တတ်နိုင်သမျှ လုပ်ဆောင်ပေးလျှက်ရှိကြောင်း တပ်ရင်း ၁၉ က အသိပေးသည်။
“စစ်အာဏာရှင် အမြစ်ဖြတ်တိုက်ထုတ်ရေးမှာ ပါဝင်ကူညီကြရင်း အသက်ပေးခဲ့ရသော အာဇာနည်များကို အလေးပြုလျက် မိဘများကို ဦးချကန်တော့အပ်ပါသည်”ဟု တပ်ရင်း ၁၉ က ထုတ်ပြန်ဖော်ပြသည်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအောက်တွင်ရှိသော ပခုက္ကူခရိုင် တပ်ရင်း( ၁၉)တဖြစ်လဲ ဆိပ်ဖြူဘာမထီတပ်ဖွဲ့ တွင် ဘာမထီ တပ်ခွဲ(၁)၊ တပ်ခွဲ(၂)နှင့် ဗိုလ်မထားတပ်ခွဲ(၃)ဟူ တပ်ခွဲသုံးခု သတ်မှတ်ဖွဲ့ စည်းထားသည်။
Spring Revolution Database – SRD ၏မှတ် တမ်းများအရ စစ်အုပ်စုအာဏာသိမ်းသည့် ၂၀၂၁ ခုနှစ် ၂၀၂၅ ဇန်နဝါရီလ ၁၈ ရက်အထိ နွေဦးတော်လှန်ရေးကာလအတွင်း တစ်နိုင်ငံလုံးအတိုင်းအတာဖြင့်အရပ်သားပြည်သူ ၁၀,၅၉၆ ဦးအသက်ဆုံးရှုံးခဲ့ရပြီး တော်လှန် ရေးအင်အားစုများမှ ၅,၀၀၅ ဦးကျဆုံးခဲ့ကြောင်း သိရသည်။
