ဆိုင်းမင်း/People’s Spring
နိုင်ငံရေးအကျဉ်းသားတွေကို ဖိနှိပ်ရာမှာ နာမည်ဆိုးနဲ့ကျော်ကြားတဲ့ ဒိုက်ဦးအကျဉ်းထောင် မှာ နိုင်ငံရေး အကျဉ်းသူ ၁၃ ဦး တိုက်ပိတ်ခံထားရတယ်လို့ နိုင်ငံရေးအကျဥ်းသူများအဖွဲ့ (Women’s Organization of Political Prisoners)က ထုတ်ပြန်ပါတယ်။
ပဲခူးတိုင်း ၊ ဒိုက်ဦးအကျဉ်းထောင်ကို ပြောင်းရွှေ့လာတဲ့ ထောင်အရာရှိ ဦးစီးမှုး အမျိုးသမီးကို ပြန်ခံပြောတယ်ဆိုတဲ့ အကြောင်းပြချက် နဲ့ နိုင်ကျဉ်းသူ ၁၃ ဦးကို ဇန်နဝါရီလ ၂၄ ရက်ကနေ မနေ့ ဖေဖော်ဝါရီလ ၈ ရက်အထိ နှစ်ပတ်ကြာ တိုက်ပိတ်ထားတာလို့သိရပါတယ်။
” လုပ်ပိုင်ခွင့်ကို အလွဲသုံးစားလုပ်ပြီး နိုင်ငံရေးအကျဥ်းသူတွေကို ဖိနှိပ်လာတာ အာဏာသိမ်းကတည်းကပါ” လို့ နိုင်ငံရေးအကျဥ်းသူများအဖွဲ့ ရဲ့ ဦးဆောင်တာဝန်ခံ မဇူးဇူးမေယွန်းကပြောပါတယ်။
Public Service Announcement
ထောင်ဝန်ထမ်းတွေအပေါ် မချေမငံပြောတယ်ဆိုတဲ့ အကြောင်းချက်နဲ့ တိုက်ပိတ်တာက ဆိုးရွာတဲ့ ဖိနှိပ်မှုဖြစ်ပြီးထောင်တွင်း လူ့အခွင့်အရေးချိုးဖောက်မှုတွေကို ဖော်ထုတ်မှာဖြစ်ပြီး ကူညီနိုင်မယ့် ဘယ်နည်းလမ်းနဲ့မဆို ကူညီသွားမယ်လို့ နိုင်ငံရေးအကျဥ်းသူများအဖွဲ့ က အသိပေးပါတယ်။
ပြီးခဲ့တဲ့ ဇန်နဝါရီလအတွင်းကဆိုရင် ဒိုက်ဦးထောင်မှာ ကျွေးတဲ့ ထမင်းအလွန်ကြမ်းတာကြောင့် နိုင်ငံရေးအကျဥ်းသူအချို့ အစာအိမ်အောင့်တဲ့ဝေဒနာ ခံစားခဲ့ရပါတယ်။
ဒါပေမယ့် ထောင်အာဏာပိုင်တွေဟာ ဆေးဝါးပေးဖို့ မျက်ကွယ်ပြုခဲ့တယ်လို့ နိုင်ငံရေးအကျဥ်းသူများအဖွဲ့ ကဆိုပါတယ်။
ပြီးခဲ့တဲ့နှစ် ဇွန်လ၁၅ရက်ကလည်း ဒိုက်ဦးထောင်ကို ထောင်ပြောင်းလာတဲ့ နိုင်ငံရေးအကျဥ်းသူတွေရဲ့ အသုံးအဆောင်ပစ္စည်းနဲ့ အစားအသောက်တွေကို ထောင်ဘက်က သိမ်းဆည်းခဲ့တာကြောင့် တောင်းဆိုရာကနေ နိုင်ငံရေးအကျဥ်းသူ ၈၀ ကျော်ရိုက်နှက်ခံရပြီး ၅ ဦးဒဏ်ရာရရှိကာ ၃၀ ကျော်တိုက်ပိတ်ခံခဲ့ရတဲ့ဖြစ်စဉ်ဖြစ်ခဲ့ပါတယ်။
