မေ/People’s Spring
စစ်ကိုင်းတိုင်း၊ဝက်လက်မြို့နယ်၊ လှတောကျေးရွာရဲစခန်းကနေ လက်နက်ကြီးနဲ့ ပစ်ခတ်ခဲ့လို့ အမျိုးသမီးငယ်တစ်ဦးသေဆုံးပြီး တစ်ဦးဒဏ်ရာတွေရခဲ့တယ်လို့ ဒေသခံတွေက ပြောပါတယ်။
ဝက်လက်မြို့နယ် ကျီးကန်တောင်ကျေးရွာက အမျိုးသမီးငယ်တစ်ဦး သေဆုံးပြီးတစ်ဦး ထိခိုက်တာလို့ သိရပါတယ်။
လှတောရွာရဲစခန်းကနေ ၆၀မမ လက်နက်ကြီးနဲ့မနေ့ ည ၇ နာရီလောက်မှာ ကျီးကန်ကျေးရွာတွေဘက်ကို ပစ်ခတ်ခဲ့တာလို့ သိရပါတယ်။
Public Service Announcement
အဲဲဒီလက်နက်ကြီးဟာ ကျီးကန်တောင်ရွာထဲကိုကျပြီး နေအိမ်မှာရှိနေတဲ့ အသက်၁၇နှစ် အရွယ် အမျိုးသမီး တစ်ဦးထိမှန်သေဆုံးပြီး အသက်၁၇နှစ်အရွယ် နောက်ထပ်အမျိုးသမီး တစ်ဦး ထိခိုက်ဒဏ်ရာတွေရခဲ့တာလို့ သိရပါတယ်။
” တယောက်က နောက်စေ့မှန်ပြီးဆုံးတာ။တယောက်က ပေါင်မှန်တာ။အိမ်ဝန်းထဲကျပြီး မှန်တာ”လို့ ကျီးကန်ကျေးရွာပြည်သူ့အုပ်ချုပ်ရေးအဖွဲ့တာဝန်ရှိသူက ပြောပါတယ်။
အဲဒီကျေးရွာတွေဘက်မှာ လက်ရှိအချိန်မှာနယ်မြေအခြေအနေအေးချမ်းနေပြီး စစ်တပ်ရဲ့ ရမ်းသမ်းပစ်ခတ်မှုတွေသာရှိတယ်လို့ သိရပါတယ်။
ကျီးကန်တောင်ရွာဟာ လှတောရွာရဲစခန်းနဲ့ မိုင် ဝက်ကျော်သာဝေးတယ်လို့ သိရပါတယ်။
ကျီးကန်တောင်ရွာနဲ့ ကျီးကန်မြောက်ကျေးရွာဟာစစ်တပ်က ယခင်ကမကြာခဏစစ်ကြောင်းထိုးခဲ့သလို ၂၀၂၃ သြဂုတ်ကလည်း ကျီးကန်မြောက် ကျေးရွာက အမျိုးသမီးကို ဖခင်ရှေ့မှာတင် အဓမ္မပြုကျင့်သတ်ဖြတ်ခဲ့သလို ဖခင်နဲ့ကျေးရွာသား၂ဦးကိုပါ သတ်ဖြတ်ခဲ့ပါသေးတယ်။
