Connect with us

Hi, what are you looking for?

News

ရွေးကောက်ပွဲကတိကဝတ်နဲ့ ပါတီလုပ်ငန်းတွေ လုပ်ဆောင်ဖို့ ဗဟိုအလုပ်ကော်မတီဖွဲ့စည်းလိုက်တယ်လို့ NLDထုတ်ပြန်

ဖွဲ့စည်းလိုက်တဲ့ ဗဟိုအလုပ်ကော်မတီမှာ ဗဟိုအလုပ် အမှုဆောင်တွေဖြစ်တဲ့ ဦးအောင်ကြည်ညွန့်၊ ဦးတင်ထွဋ်ဦး၊ အရံဗဟိုအလုပ်အမှုဆောင် ဒေါက်တာခင်ဆောင်နဲ့ Steering Committee မှ ဦးထွန်းမြင့်၊ ဦးကျော်ထွေး၊ ဦးမျိုးနိုင်၊ ဦးဝင်းအောင်တို့က တာဝန်ယူဆောင်ရွက်မယ်လို့ ထုတ်ပြန်ပါတယ်။

(ပြီးခဲ့သည့် ၂၀၂၀ အထွေထွေရွေးကောက်ပွဲတွင် အနိုင်ရရှိ၍ NLDပါတီထောက်ခံသူများ အောင်ပွဲခံနေစဥ်)

အမျိုးသားဒီမိုကရေစီအဖွဲ့ချုပ်ပါတီ(NLD)ဟာ ၂၀၂၀ ရွေးကောက်ပွဲကြေညာစာတမ်းပါအချက်တွေကို အကောင်အထည်ဖော်ဖို့အပါအဝင် ပါတီလုပ်ငန်းတွေ လုပ်ဆောင်ဖို့အတွက် ဗဟိုအလုပ်ကော်မတီ(Central Working Committee)ကို ဖွဲ့စည်းလိုက်တယ်လို့ ဒီနေ့(နိုဝင်ဘာ ၅ ရက်)ထုတ်ပြန် ကြေညာပါတယ်။

NLDပါတီဥက္ကဌ အပါအဝင် ဗဟိုအလုပ်အမှုဆောင်အဖွဲ့ဝင်အားလုံး လွတ်လပ်စွာ စုံညီအစည်းအဝေးမကျင်းပမီကာလအတွင်း အဖွဲ့ချုပ်ရဲ့ အခြေခံမူဝါဒတွေ၊ ၂၀၂၀ ရွေးကောက်ပွဲကြေညာ စာတမ်းပါအချက်တွေ အကောင်အထည်ဖော်ဖို့၊ ပါတီလုပ်ငန်းစဉ်တွေ ချိတ် ဆက်ဆောင်ရွက်နိုင်ဖို့နဲ့ ပြည်တွင်း၊ ပြည်ပပါတီချင်းဆက်ဆံရေးတွေ ဆောင်ရွက်နိုင်ဖို့ ဗဟိုအလုပ်ကော်မတီကို ဖွဲ့စည်းတာဖြစ်တယ်လို့ ဆိုပါတယ်။

ဖွဲ့စည်းလိုက်တဲ့ ဗဟိုအလုပ်ကော်မတီမှာ ဗဟိုအလုပ် အမှုဆောင်တွေဖြစ်တဲ့ ဦးအောင်ကြည်ညွန့်၊ ဦးတင်ထွဋ်ဦး၊ အရံဗဟိုအလုပ်အမှုဆောင် ဒေါက်တာခင်ဆောင်နဲ့ Steering Committee မှ ဦးထွန်းမြင့်၊ ဦးကျော်ထွေး၊ ဦးမျိုးနိုင်၊ ဦးဝင်းအောင်တို့က တာဝန်ယူဆောင်ရွက်မယ်လို့ ထုတ်ပြန်ပါတယ်။

လက်ရှိမှာ ပါတီဥက္ကဌ၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုတိယဥက္ကဌ (၁)၊ နိုင်ငံတော်သမ္မတဦးဝင်းမြင့် အပါအဝင်ဗဟိုအလုပ်အမှုဆောင် ၁၄ ဦးကို အာဏာသိမ်းစစ်ကောင်စီက တရားဥပဒေမဲ့ဖမ်းဆီးထားတယ်လို့ ထုတ်ပြန်ချက်မှာ ဖော်ပြပါတယ်။

Public Service Announcement

Public Service Announcement

ဆက်စပ်သတင်းများ

သတင်းဆောင်းပါး

ထရမ့်ရဲ့ နိုင်ငံရေး ပြိုင်ဘက်တွေကို စုံစမ်းဖို့ ရှေ့တန်းကနေ လှုပ်ရှားခဲ့ကြတဲ့ အမေရိကန် တရားရေးဌာန ထိပ်တန်း အရာရှိကြီး သုံးဦးဟာ ဒီမိုကရက်တွေ လွှတ်တော် ကြီးကြပ်ရေး အာဏာကို ပြန်လည် ရယူလာတဲ့ သက်တမ်းဝက် ရွေးကောက်ပွဲ အပြီး ရက်ပိုင်းအတွင်း တစ်ဦးပြီးတစ်ဦး ရာထူးကနေ ထွက်ခွာသွားကြပါပြီ။

သတင်း

စစ်တပ်အာဏာသိမ်းပြီးနောက်မတရားဖမ်းဆီးထောင်ချခံရတဲ့ မန္တလေး တိုင်း NLD အစိုးရအဖွဲ့ဝင်ဝန်ကြီးဦးဇာနည်အောင်ဟာထောင်ဒဏ်စေ့သွားလို့ထောင်ကနေပြန်လွှတ်လာပေမယ့်ခြေချုပ်၊ခံဝန်ဥပဒေနဲ့ထပ်မံတရား စွဲဆိုခံထားရတယ်လို့ တရားရေး အသိုင်းအဝိုင်းနဲ့ နီးစပ်သူတွေဆီက သိရပါတယ်။

နိုင်ငံတကာ

မဲမသမာမှု၊ မဲခိုးမှုတွေကြောင့်သာ ဝန်ကြီးချုပ် ဘင်ဂျမင် နေတန်ညာဟုဟာ အစ္စရေး ရွေးကောက်ပွဲမှာ ပြတ်ပြတ်သားသား အနိုင်မရခဲ့တာ ဖြစ်တယ်လို့ သူ့ရဲ့ ပါတီက စွပ်စွဲ ပြောကြားလိုက်ပါတယ်။

နိုင်ငံတကာ

ကနဦး မဲရေတွက်မှု ရလဒ်တွေအရ အစ္စရေး ရွေးကောက်ပွဲဟာ ကြိုတင် မျှော်လင့်ထားတဲ့အတိုင်း တိတိကျကျ အဖြေမပေါ်ဘဲ ကျဉ်းထဲကျပ်ထဲ အခြေအနေမျိုး ကြုံလာမယ့် ရလဒ်ဆီ ဦးတည်နေကြောင်း သိရပါတယ်။