မိုးကုတ် ၊လဲချား နှင့်​ဒေသအချို့တွင်မိုးသီး​ကြွေ

ဇော်ရမ်း/People’s Spring

မန္တလေး ၊စစ်ကိုင်းတိုင်း နှင့် ရှမ်းပြည်နယ်အပါအဝင် ဒေသအများအပြား၌ယနေ့(ဧပြီလ၂၇ရက်)ညနေပိုင်းတွင် မိုးသက်လေပြင်းကျခဲ့ပြီးမြို့နယ်အချို့တွင် မိုးသီးများကြွေကျခဲ့သည်။

ရှမ်းပြည်နယ်တွင်ကလော၊အောင်ပန်း၊ လဲချားမြို့တို့အပါအဝင် မြို့နယ်အများအပြား၌ မိုးရွာခဲ့ပြီး မိုးသီးများ ကြွေကျခဲ့သည်။

https://www.facebook.com/LuduNwayOo/videos/4031858793703479

Public Service Announcement

အလားတူမန္တလေးတိုင်းမိုးကုတ်မြို့တွင် မိုးသီးများကြွေခဲ့ပြီး မိုးလည်းသည်းထန်ခဲ့သည်။သို့သော်မန္တလေးမြို့ပေါ်တွင် မိုးရွာခြင်းမရှိခဲ့ဘဲ အပူချိန်အလွန်မြင့်တက်နေသည်။

ရန်ကုန်မြို့တွင်လည်း နာရီဝက်ခန့်အကြာ မိုးရွာခဲ့ပြီး ဧရာဝတီတိုင်းမှမြို့နယ်အချို့တွင်လည်း မိုးရွာခဲ့သည်။

ဧပြီလ​နောက်ဆုံးပါတ်တွင် နိုင်ငံတစ်ဝန်းအပူရှိန်ပြင်းထန်ပြီး ​ဒေသအချို့တွင် ပြည်သူအချို့အပူဒဏ်​ကြောင့် အပူရှပ်​သေဆုံးမှုများရှိသည်။

လေထုမတည် မငြိမ်ဖြစ်စဉ်ကြောင့်ဧပြီလကုန်ရက်ပိုင်းတွင် မြန်မာနိုင်ငံ ဒေသအများအပြားတွင် နေရာကွက်မိုးကြီးခြင်း၊ မိုးသက်လေပြင်းကျခြင်းတို့ ဖြစ်ပွားနိုင်ကြောင်း အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)က သတိ‌ပေးထားသည်။