မေ ၂၂၊၂၀၂၅။ သုည/People’s Spring
စစ်ကိုင်းတိုင်းအတွင်း သပိတ်အဖွဲ့တွေ၊ ဒေသခံပြည်သူတွေက ဒီကနေ့ (မေလ ၂၂)မှာ စစ် အာဏာရှင်ဆန့်ကျင်ရေး လှုပ်ရှားမှုတွေ အသီးသီး ပြုလုပ်ခဲ့ကြပါတယ်။
စစ်ကိုင်းတိုင်း အရာတော်မြို့နယ် ကျေးရွာတစ်ရွာမှာ ၅/အရတ အရာတော်လူထုသပိတ်မှ ဦးဆောင်ပြီး ဒေသခံ ကာကွယ်ရေးတပ်ဖွဲ့တွေနဲ့ ပူးပေါင်းကာ ကျေးလက်နေပြည်သူလူထုအား “လေကြောင်းအန္တရာယ်ကြိုတင်ကာကွယ်နိုင်ရန်” အသိပညာပေးဟောပြောခဲ့ပါတယ်။
ဒါ့အပြင် ဗုံးခိုးကျင်းတူးနည်းအကြံပြုချက်တွေ၊ လေကြောင်းအန္တရာယ် ကြိုတင်ကာကွယ်နိုင်ဖို့ သတိပေးလမ်းညွှန်ချက်တွေ၊ လေကြောင်းတိုက်ခိုက်ခံရချိန် အရေးပေါ် နေထိုင်နည်းတွေ၊ လေကြောင်းတိုက်ခိုက်ရေးသုံး ရဟတ်ယာဉ်များအကြောင်း၊ စက်တပ်လေထီးနဲ့ တိုက်ခိုက်နိုင်တဲ့ ပုံစံတွေကို ရှင်းလင်းပြောကြား မျှဝေခဲ့ပါတယ်။
Public Service Announcement
ဝက်လက်မြို့နယ်မှာလည်း မြောင်မြို့နယ် လူထုသပိတ်တိုက်ပွဲ ဦးဆောင်ကော်မတီနဲ့ ဝက်လက်မြို့နယ်လူထုသပိတ်တိုက်ပွဲ ဦးဆောင်ကော်မတီတို့ပူးပေါင်းပြီး လူငယ်တွေကို ကျားမအခြေပြုအကြမ်းဖက်မှုနဲ့ ပတ်သက်တဲ့ အကြောင်းအရာတွေ မျှဝေဆွေးနွေးခဲ့ပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ဝက်လက်လူထုသပိတ်၊ အရာတော်သပိတ်
