မဟာမိတ်​လေးဖွဲ့ကစစ်​ကောင်စီ၏ဝန်ကြီးနှင့် တိုင်းဝန်ကြီးချုပ်တို့ယာဥ်တန်းကိုတိုက်ခိုက်၊စစ်​ကောင်စီတပ် ၁၀ ဦးထက်မနည်း​​သေဆုံးနိုင်ဟုထုတ်ပြန်

အကြမ်းဖက်စစ်ကောင်စီ၏ ဟိုတယ်နှင့်ခရီးဝန်ကြီးနှင့် ဧရာဝတီတိုင်းဝန်ကြီးချုပ်တို့ လိုက်ပါလာသည့် ယာဥ်တန်းကိုယမန်​နေ့ည​နေတွင် မဟာမိတ်လေးဖွဲ့ပူးပေါင်းတိုက်ခိုက်ခဲ့ပြီး စစ်ကောင်စီဘက်က ဆယ်ဦးထက်မနည်း သေဆုံးနိုင်ကြောင်း Pathein Western Defense Force (PWDF)က သတင်းထုတ်ပြန်သည်။

အကြမ်းဖက်စစ်ကောင်စီ၏ ဟိုတယ်ခရီးဝန်ကြီးဦး‌ဌေးအောင်နှင့် ဧရာဝတီတိုင်းဝန်ကြီးချုပ်တို့သည်ချောင်းကမ်းခြေဖွင့်ပွဲသွားပြီး အပြန် နိုဝင်ဘာ ၁၅ရက် ညနေ သုံးနာရီ​ကျော်တွင် ပုသိမ်-ချောင်းသာကားလမ်း၌ မဟာမိတ်​လေးဖွဲ့က ပူး​ပေါင်း၍တိုက်ခိုက်ခဲ့ခြင်းဖြစ်သည်။ ယင်းတိုက်ခိုက်မှုကို ၊မြစ်ဝကျွန်းပေါ်ပြောက်ကျားစစ်ဆင်ရေး တပ်ပေါင်းစု (DGWCF) ၊ ဧရာဝတီတောဝက် ညီနောင်နှင့်Pathein Western Defense Force (PWDF)၊ Beach Defense Force (BDF) ပူးပေါင်းကာ တိုက်ခိုက်ခဲ့ခြင်းဟု ယ​နေ့ (နိုဝင်ဘာ ၁၆)တွင်ထုတ်ပြန်ထားသည်။

ဦး​ဌေး​အောင်၏ ယာဉ်တန်းကို တိုက်ခိုက်စဉ် အပြန်အလှန်ပစ်ခတ်တိုက်ပွဲဖြစ်ပွားခဲ့ပြီး စစ်ကောင်စီဘက်က ဆယ်ဦးထက်မနည်း သေဆုံးနိုင်ကြောင်းနှင့် ပြည်သူ့ကာကွယ်ရေးတပ်များ အောင်မြင်စွာ ဆုတ်ခွာနိုင်ခဲ့သည်ဟု လည်း​ဖော်ပြထားသည်။​စစ်​ကောင်စီ၏ဝန်းကြီးနှင့်တိုင်းဝနွကြီးချုပ် ထိ့ခိုက်​သေဆုံးမှုရှိ၊မရှိကိုမူ မပါရှိ​ပေ။ စစ်​ကောင်စီတပ် ​သေဆုံးဒဏ်ရာရရှိမှုကို People’s Spring ကသီးခြားအတည်မပြုနိုင်​သေးပါ။

ဝန်ကြီးယာဉ်တန်း တိုက်ခိုက်ခံရသည့်နေရာမှ အနီးဝန်းကျင် ကျေးရွာများကို စစ်ကောင်စီက ဝင်ရောက်စစ်ဆေးပြီးအရပ်သားအချို့အားဖမ်းဆီးထားသည်ဟု ဒေသခံအချို့ကပြောသည်။

Public Service Announcement

ဒေသတွင်းပြည်သူ့ကာကွယ်ရေးတပ်များမဟာမိတ်ပြုလုပ်ကာ စစ်ကောင်စီကို အမြစ်ပြတ်သည်အထိ တိုက်ခိုက်ချေမှုန်းသွားမည်ဟု PWDFက ထုတ်ပြန်သည်။