စက်တင်ဘာ-၁၂၊ ၂၀၂၅။ဇေအောင်/People’s Spring
မန္တလေးတိုင်း၊ မလှိုင်မြို့နယ်မှာ စစ်တပ်က စစ်ကြောင်းထိုးရာမှာသုံးဖို့ ပြည်သူတွေရဲ့ကားတွေကို ချောဆွဲနေကြောင်း သတင်းရရှိပါတယ်။
စက်တင်ဘာ ၇ ရက်ကတည်းက မလှိုင်မြို့နယ်အတွင်း စစ်ကြောင်းထိုးနေတဲ့ စစ်ကောင်စီတပ်က မြို့နယ်အတွင်းမှာရှိတဲ့ ဖောကား၊လိုက်ထရပ်နဲ့ ကန်တာ လုပ်ငန်းသုံးအသေးစားကားတွေကို လိုက်လံချောဆွဲနေခြင်းဖြစ်ကြောင်း ဒေသခံတွေက ပြောပါတယ်။
“အရင်၂ရက်ကဆွဲထားတာ ၁၀စိးလောက်ရှိတယ်။ မနေ့ကလည်း ရဲခွေးမှူး ပတ်ဆွဲနေတယ်။ အကုန်အဆွဲခံထားရတာဆို အစီး၂၀လောက်ရှိပြီ”လို့ လူထုသတင်းကွန်ယက်-မလှိုင်မြို့ရဲ့ တာဝန်ရှိသူက ပြောပါတယ်။
Public Service Announcement
မိတ္ထီလာမြို့ဘက်မှ စစ်ကောင်စီတပ်က နေ့စဥ် အင်အားအလုံးအရင်းနဲ့ မလှိုင်မြို့နယ်ဘက်ဝင်လာပြီး ချောဆွဲတဲ့ကားတွေသုံးကာ စစ်ကြောင်းထိုးနေတယ်လို့ဒေသခံတွေကပြောပါတယ်။ ဒါ့အပြင်စစ်ကောင်စီတပ်ဟာ စက်တပ်လေထီးနဲ့ပါ မလှိုင်မြို့နယ်အတွင်းကကျေးရွာတွေကိုဗုံးသီးချတိုက်ခိုက်နေကြောင်း ဒေသခံတွေထံက သိရပါတယ်။
မလှိုင်မြို့နယ်ဟာ တော်လှန်ရေးအားကောင်းတဲ့ မြင်းခြံ၊ နွားထိုးကြီး၊ တောင်သာမြို့နယ်တွေနဲ့ နယ်ချင်းထိဆက်နေပြီး ဒီနှစ်ပိုင်းအတွင်းမှာပဲစစ်အုပ်စုက စစ်ကြောင်းထိုးတာတွေ ခပ်စိပ်စိပ်ပြုလုပ်နေပါတယ်။
