စက်တင်ဘာ-၁၄၊၂၀၂၅။သုည/People’s Spring
တောင်ကိုရီးယားနှင့်ဂျပန်နိုင်ငံတို့တွင် ပြည်ပရောက်မြန်မာများ စုပေါင်း၍ သံအမတ်ကြီးဦးကျော်မိုးထွန်းထောက်ခံကြောင်းနှင့် စစ်အာဏာသိမ်းမှုအလိုမရှိကြောင်းယနေ့ (စက်တင်ဘာ ၁၄) ဆန္ဒပြခဲ့ကြသည်။
တောင်ကိုရီးယားနိုင်ငံ ဂင်မဲမြို့တွင် ပြည်ပရောက် မြန်မာများက စစ်အာဏာသိမ်းမှုအလိုမရှိကြောင်း ဆန့်ကျင်ဆန္ဒပြပွဲနှင့် နွေဦးတော်လှန်ရေးထောက်ပို့နိုင်ရေးဖလား ဘောလုံးပြိုင်ပွဲ ကျင်းပခဲ့သည်။
ယင်းဆန္ဒပြပွဲတွင် နွေဦးတော်လှန်ရေးတက်ကြွလှုပ်ရှားသူဒယ်ဂူးဘုန်းဘုန်းက ကိုယ့်နိုင်ငံ ကိုယ့်ပြည်သူလူထုများကို စောင့်ရှောက်ရမည်ဖြစ်သည့်အတွက် စွမ်းနိုင်ရာဖြင့် ထောက့်ပို့ပေးပြီးကုလသမဂ္ဂ UN သံအမတ်ကြီးဦးကျော်မိုးထွန်း မြန်မာကိုယ်စားလှယ်အဖြစ် ဆက်လက်တာဝန်ထမ်းဆောင်နိုင်ရန်၊ ထောက်ခံပေးရန်ကိုလည်း ပြည်တွင်း၊ ပြည်ပရှိ မြန်မာများကို တိုက်တွန်းစကားမိန့်ကြားခဲ့သည်။
Public Service Announcement
ဂျပန်နိုင်ငံ တိုကျိုရှိ လူစည်ကားရာ Shibuyaဘူတာရှေ့တွင်လည်း ပြည်ပရောက် မြန်မာများက ပြည်သူများ၏ ဆန္ဒနှင့်အသံကို ကိုယ်စားပြုနေသည့် ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကို ဆက်လက်ခန့်အပ်ပေးရန်အတွက် ဆန္ဒထုတ်ဖော်ခဲ့ကြသည်။
ဂျပန်နိုင်ငံရောက်မြန်မာများက “Our UN Ambassador U Kyaw Moe Tun, The True Voice of Myanmar” ၊Our Ambassador Our Voice” စသည့် စာသားများကို ကိုင်ဆောင်ပြီး သံအမတ်ကြီးဦးကျော်မိုးထွန်းကိုထောက်ခံကြောင်းဆန္ဒထုတ်ဖော်ခဲ့သည်။
