စက်တင်ဘာ၂၁၊၂၀၂၅။လူအေး/People’s Spring
မြန်မာ-ထိုင်းနယ်စပ်တွင် စိတ်ကြွဆေးပြား ၅သန်းနီးပါးသယ်ဆောင်လာသူတစ်ဦးကို “ဝ” ပြည် သွေးစည်းညီညွတ်ရေးတပ်မတော် (UWSA) က ဖမ်းဆီးလိုက်ပြီး ထ်ိုအမှု၌ ပါဝင်သောမူးယစ်ကုန်ကူးသူများကို ဆက်လက်ရှာဖွေနေကြောင်း UWSA တာဝန်ရှိသူက ထုတ်ပြန်ထားသည်။
စက်တင်ဘာလ ၂၀ရက် နံနက်က မြန်မာ-ထိုင်းနယ်စပ်၊ ပုံပါကျင်မြို့သို့သွားသည့်လမ်းပေါ်တွင် UWSA တပ်မဟာ ၇၇၅က ဖမ်းဆီးခဲ့ခြင်းဟု UWSA လားရှိုးမြို့အခြေစိုက် ပြင်ပဆက်ဆံရေးတာဝန်ခံ ဦးညီရမ်းက ၎င်း၏လူမှုကွန်ရက်တွင် ရေးသားထားသည်။
UWSA တပ်ဖွဲ့ဝင်များနှင့်ဖမ်းဆီးမိသော မူးယစ်ဆေးသယ်သူ၊မူးယစ်ဆေးဝါးများကိုတွေ့ရစဥ်။ ဓါတ်ပုံ- ဦးညီရမ်းဖေစ်ဘွခ် UWSA တပ်ဖွဲ့ဝင်များနှင့်ဖမ်းဆီးမိသော မူးယစ်ဆေးသယ်သူ၊မူးယစ်ဆေးဝါးများကိုတွေ့ရစဥ်။ ဓါတ်ပုံ- ဦးညီရမ်းဖေစ်ဘွခ် UWSA တပ်ဖွဲ့ဝင်များနှင့်ဖမ်းဆီးမိသော မူးယစ်ဆေးသယ်သူ၊မူးယစ်ဆေးဝါးများကိုတွေ့ရစဥ်။ ဓါတ်ပုံ- ဦးညီရမ်းဖေစ်ဘွခ်
သတင်းပေးသူကUWSA တပ်မဟာ ၇၇၅ကတပ်ရင်းမှူးထံအကြောင်းကြား၍ယာဉ်ကို လိုက်ရှာစဉ် မူးယစ်ဆေးကုန်ကူးသူများအား တွေ့ရှိခဲ့ကြောင်း၊ ၎င်းတို့အားလုံးသည်နယ်စပ်ဘက်သို့ထွက်ပြေးသွား၍ လိုက်ရှာရာ အသက်၃၇နှစ်အရွယ်အမျိုးသားတစ်ဦးကို ဖမ်းမိထားသည်ဟုအသိပေးထားသည်။
Public Service Announcement
စိတ်ကြွဆေးပြား ၄,၇၉၀,၀၀၀ ပြားထည့်ထားသည့် အိတ်၂၃ အိတ်နှင့်အတူ ကားတစ်စီး သိမ်းဆည်းထားကြောင်း ဦးညီရမ်းကအသိပေးထားသည်။
အမှုတွင်ပါဝင်ပတ်သက်သူအရေအတွက်ကိုဖော်ပြထားခြင်းမရှိသေးဘဲ အမျိုးသားတစ်ဦးကိုသာဖမ်းမိထားသည့်အခြေအနေဖြစ်သည်။ ပုံပါကျင်မြို့သည် ရှမ်းပြည်နယ် အရှေ့၊ မိုင်းဆတ်ခရိုင်၊ မိုင်းတုံမြို့နယ်၌ရှိသည်။
ဝဒေသမှမူးယစ်ဆေးမှုများနှင့်ပတ်သက်၍ UWSA ပါဝင်ပတ်သက်နေကြောင်း စစ်ဆေးမှုများရှိနေသည်။UWSAသည် မူးယစ်ဆေးဝါးထုတ်လုပ်မှုများ၏ နောက်ကွယ်တွင် ရှိနေကြောင်း ထိုင်းဝန်ကြီးချုပ်ဟောင်းသက်ဆင်ကစွပ်စွဲခဲ့သည်။ ယင်းပြောဆိုချက်ကို UWSA က ငြင်းဆိုထားပြီး UWSA အနေဖြင့် မူးယစ်ဆေးဝါးကို တိုက်ဖျက်နေပြီး မူးယစ်ကုန်သည်များက ၀ နယ်မြေကို ဖြတ်သန်းသွားမှုများရှိနိုင်ကြောင်းထုတ်ဖော်ပြောဆိုထားသည်။
