စက်တင်ဘာ-၃၀၊ ၂၀၂၅။ ထားမြတ်/People’s Spring
ကရင်အမျိုးသားအစည်းအရုံး(KNU) မြိတ်-ထားဝယ်ခရိုင် ကစယ်ဒိုမြို့နယ်(သရက်ချောင်းမြို့နယ်)မှာ အာဏာသိမ်းစစ်တပ်စစ်ကြောင်းကို ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၄) ပူးပေါင်းတပ်ဖွဲ့က ကြားဖြတ်တိုက်ခိုက်ခဲ့ရာ ထိခိုက်မှုရှိနိုင်တယ်လို့ KNLA တပ်မဟာ(၄) သတင်းရင်းမြစ်က ပြောပါတယ်။
သရက်ချောင်းမြို့နယ် တောင်ပျောက်ကျေးရွာအုပ်စုအတွင်း စက်တင်ဘာ ၃၀ရက်မနက်မှာ စစ်ကောင်စီတပ်က ထိုးစစ်ဆင်လာတာလို့ KNU မြိတ်-ထားဝယ်ခရိုင်က ထုတ်ပြန်ပါတယ်။
စစ်ကောင်စီရဲ့ ခလရ(၄၀၃)တပ်ရင်း၊ (၄၀၄)တပ်ရင်းနဲ့ (၄၀၅) တပ်ရင်း ပူးပေါင်းစစ်ကြောင်းကို KNLA တပ်မဟာ(၄) တပ်ရင်း(၁၂၊ တော်လှန်ရေး ပူးပေါင်းတပ်က ကြားဖြတ်တိုက်ခိုက်ခဲ့တာပါ။
Public Service Announcement
ကျောက်လှေကားရွာက ပြည်သူတွေရဲ့ နေအိမ် ၇၃လုံးကို မီးရှို့ ဖျက်ဆီးပြီးနောက် တွေ့ရစဉ်။ ဓာတ်ပုံ – KNU-MTU ကျောက်လှေကားရွာက ပြည်သူတွေရဲ့ နေအိမ် ၇၃လုံးကို မီးရှို့ ဖျက်ဆီးပြီးနောက် တွေ့ရစဉ်။ ဓာတ်ပုံ – KNU-MTU ကျောက်လှေကားရွာက ပြည်သူတွေရဲ့ နေအိမ် ၇၃လုံးကို မီးရှို့ ဖျက်ဆီးပြီးနောက် တွေ့ရစဉ်။ ဓာတ်ပုံ – KNU-MTU ကျောက်လှေကားရွာက ပြည်သူတွေရဲ့ နေအိမ် ၇၃လုံးကို မီးရှို့ ဖျက်ဆီးပြီးနောက် တွေ့ရစဉ်။ ဓာတ်ပုံ – KNU-MTU
” ကြားဖြတ်ဝင်တိုက်တော့ သူတို့မှာတော့ ထိခိုက်ဒဏ်ရာရှိမယ်နဲ့တော့တူတယ်။ နောက်ဆုံးသတင်းအရတော့ သူတို့ ပြန်ဆုတ်သွားတော့ အဲဒီရွာထဲမှာ ကျေးရွာကိ မီးရှို့သွားတာ”လို့ KNLA သတင်းရင်းမြစ်က ပြောပါတယ်။
ကြားဖြတ်တိုက်ခိုက်ခံရတဲ့ စစ်တပ်က တိုက်ပွဲနဲ့ မသက်ဆိုင်တဲ့ ကျောက်လှေကားရွာက ပြည်သူတွေရဲ့ နေအိမ် ၇၃လုံးကို မီးရှို့ ဖျက်ဆီးခဲ့ကြောင်း KNU မြိတ်-ထားဝယ်ခရိုင်က အသိပေးပါတယ်။
“သူတို့က အထိနာတာပဲဖြစ်ဖြစ် မနာတာပဲဖြစ်ဖြစ် ဒါကတော့ သူတို့လုပ်ရပ်ပဲ။ စစ်ရေးပစ်မှတ်မဟုတ်တဲ့ ပြည်သူလူထုကို ဒီလတွေအတွင်းမှာ သူတို့ လုပ်ဆောင်တာ များတယ်” လို့ KNLA သတင်းရင်းမြစ်က စစ်ကောင်စီတပ်ကပြည်သူအပေါ် လေကြောင်း တိုက်ခိုက်တာ၊ လက်နက်ကြီးပစ်ခတ်တာ ၊ ရွာတွေကို မီးရှို့တာ မကြာခဏ ကျူးလွန်နေတဲ့လုပ်ရပ်နဲ့ ပတ်သက်ပြီး ပြောပါတယ်။
စစ်ကောင်စီတပ်ဟာ ပြီးခဲတဲ့ နှစ်လတာအတွင်း လေကြောင်းက ဗုံးကြဲတိုက်ခိုက်မှု၊ လက်နက်ကြီး ပစ်ခတ်မှု၊ ပြည်သူ့နေအိမ်မီးရှို့မှုများ ဆက်တိုက်ပြုလုပ်လာနေတယ်လို့လည်း သတင်းရင်းမြစ်က ပြောပါတယ်။
“ရွေးကောက်ပွဲလုပ်ဖို့ ကြေညာပြီးတဲ့နောက်ပိုင်း သူတို့ တပ်မဟာ(၄) မြိတ်-ထားဝယ်ခရိုင် ထဲမှာရှိတဲ့ မြို့နယ်အချို့ပေါ့ ဒီဘက်မှာ ထားဝယ်ဘက်မှာသော်လည်းကောင်း တနင်္သာရီဘက်မှာသော် လည်းကောင်း ပြည်သူနေအိမ်တွေ ဗုံးကြဲတာ ကျေးရွာတွေမီးရှို့တာ”လို့ KNLA သတင်းရင်းမြစ်က ပြောပါတယ်။
