စစ်တပ်ဝါဒဖြန့်ဇာတ်လမ်းကို ပြည်သူ​တွေသပိတ်​မှောက်တာကြောင့်စစ်​အုပ်စုကအရေးပေါ် အစည်းအဝေး​ခေါ်၊ အနုပညာရှင်အားလုံးတက်ဖို့ဖိအား​ပေး

အောက်တိုဘာ-၃၀၊၂၀၂၅။တေဇ/People’s Spring

စစ်ကောင်စီရဲ့ရွေးကောက်ပွဲ ဝါဒဖြန့်ချိရေးဇာတ်ကားမှာပါဝင်သူတွေကို ပြည်သူ​တွေက လူမှု​ရေးပြစ်ဒဏ်ခတ်တာ ၊ သပိတ်​မှောက်တာအပြင်းအထန်ပြုလုပ်​နေတာ​ကြောင့် စစ်ကောင်စီရဲ့ ပြန်ကြားရေး ဝန်ကြီးဌာနက အနုပညာရှင်အားလုံးကို​မလာမ​နေရ ခေါ်ယူပြီး ဒီကနေ့(အောက်တိုဘာ၃၀)မွန်းလွဲပိုင်းမှာအ​ရေး​ပေါ်အစည်းအ​ဝေး​ခေါ်​နေတယ်လို့အနုပညာအသိုင်းအဝိုင်းက သတင်းရင်းမြစ်​တွေကပြောပါတယ်။

“ခေတ်သမိုင်းကို ဒုန်းဆိုင်းမည့်သူများ” စစ်တပ်ဝါဒဖြန့်ကားအ​ပေါ် ပြည်သူ​တွေရဲ့ BC နဲ့ Social punishemnt ထိရောက်သွားတဲ့အတွက် ကြော်ငြာကုမ္ပဏီ​တွေက ဝါဒဖြန့်ကားမှာပါဝင်တဲ့သူ​တွေကို ​ကြော်ညာမရိုက်တော့တာ​ကြောင့်ကုမ္ပဏီ​တွေကို​ကြော်ညာ ဆက်ရိုက်ရန်အတွက် စစ်အုပ်စုက ဖိအားပေးဖို့ရန် နဲ့ ပြည်သူ​တွေရဲ့ လူမှု​ရေးပြစ်ဒဏ်ခတ်တာ၊သပိတ်​မှောတ်တာအ​ပေါ် တန်ပြန်ရန် ​ဆွေး​နွေးမယ်လို့ အကြမ်းဖျင်းသိထားရတယ်လို့ သတင်းရင်းမြစ်အချို့ကပြောပါတယ်။

အစည်းအ​ဝေးကိုရန်ကုန်မြို့ မှာရှိတဲ့ ရုပ်ရှင်အစည်းအရုံးအစည်းအဝေးခန်းမမှာ​ အောက်တိုဘာ ၃၀ရက် မွန်းလွဲ ၁ နာရီမှာပြုလုပ်မှာဖြစ်ပါတယ်။ စစ်ကောင်စီရဲ့ ပြန်ကြားရေးဝန်ကြီးဦး​မောင်​မောင်အုန်းလည်းကိုယ်တိုင်တတ်ရောက်မှာဖြစ်ပြီး ရုပ်ရှင်သရုပ်ဆောင်တွေ အားလုံးကိုလည်း မလာမနေရ ဆိုပြီးခေါ်ထားတယ်လို့ အနုပညာအသိုင်းအဝိုင်းကသိရပါတယ်။

Public Service Announcement

စစ်ကောင်စီက ရွေးကောက်ပွဲ အတွက် ဝါဒဖြန့်ဖို့ ရည်ရွယ်ပြီး လက်ရှိ မြန်မာ့ရုပ်ရှင်​လောကမှာနာမည်ကြီးသရုပ်‌ဆောင်တွေဖြစ်တဲ့ နေတိုး ၊ မြင့်မြတ် ၊ နေဝင်း ၊ အေးချမ်းမောင် ၊ ခြူးလေး ၊ မေမြင့်မိုရ် တို့နဲ့ ဇာတ်ကားရိုက်ကူးခဲ့တာပါ။

ဒါပေမယ့်လည်း ဒီဇာတ်ကားက တော်လှန်ရေး တပ်ဖွဲ့တွေ CDM တွေကို စော်ကားတဲ့ အသုံးအနှုန်းတွေနဲ့ လူထုတော်လှန်ရေးကို ပျက်ရယ်ပြုခဲ့တာ​တွေ ၊အချက်အလက်အမှား​တွေနဲ့ စစ်တပ်အတွက် စိတ်တိုင်းကြ ဝါဒဖြန့်​ပေးခဲ့တာကြောင့် ပြည်သူတွေက ဒီဇာတ်ကားမှာ ပါဝင်သူတွေကို Social Punishment နဲ့ Boycott ပြုလုပ်နေကြတာပါ။

ဒီဇာတ်ကားရိုက်ကူးသူရဲ့ နာမည်ကိုလည်း နာမည်ဝှက်နဲ့ အသုံးပြုထားပေမယ့် အရင် ကတည်းကစစ်တပ် ဝါဒဖြန့်ဇာတ်လမ်း​တွေရိုက်နေကြ စစ်ကောင်စီတပ်ရဲ့ ဗိုလ်ကြီး တင်အောင်စိုး (ပန်းမြို့တော်) ဖြစ်တယ်လို့ အနုပညာအသိုင်းအဝိုင်းက ​ပြောပါတယ်။

တင်အောင်စိုး (ပန်းမြို့တော်)က အခုနောက်ပိုင်း နှစ်တွေမှာ ရဲတပ်ဖွဲ့နေ့ ၊ တပ်မတော်နေ့ အပါအဝင် ပေါ်လစီဇာတ်ကားတွေကို အဓိကရိုက်ကူးတဲ့သူဖြစ်ပါတယ်။ပြီးခဲ့တဲ့လကပဲ သူရိုက်ကူးထားတဲ့ ရဲတပ်ဖွဲ့နေ့ ဂုဏ်ပြုဇာတ်ကားကို တန်းစီစနစ်နဲ့ မဟုတ်ပဲ ရုံတင်ခဲ့တာကြောင့် ဝေဖန်မှုတွေခံခဲ့ရပါသေးတယ်။

လက်ရှိမှာတော့ အနုပညာရှင်တွေအပေါ် ပြည်သူတွေက Social Punishment နဲ့ Boycott ပြုလုပ်ဖို့ ဆက်လက် တွန်းအားပေးလုပ်ဆောင်နေကြသလို ဝါဒဖြန့်ဇတ်ကားမှာပါဝင်ခဲ့တဲ့တချို့ သရုပ်ဆောင်တွေဆိုရင် သူတို့ရဲ့ ပေ့ခ်ျတွေမှာ မှတ်ချက်ပေးလို့မရအောင် Comment တွေကို ပိတ်ထားတဲ့အထိပါပဲ။အဲဒီဝါဒဖြန့်ဇာတ်ကားအ​ပေါ် ​ လူမှုကွန်ယက်မှာဝေဖန်သူ​တွေကို အ​ရေးယူဖို့ စစ်တပ်​ထောက်ခံတဲ့တယ်လီဂရန်​တွေက လှုံ​ဆော်​နေကြပါတယ် ။

စစ်ကောင်စီရဲ့ ရွေးကောက်ပွဲနဲ့ပတ်သက်ပြီး လုပ်ဆောင်သူတွေကို ပြင်းပြင်းထန်ထန် တုန့်ပြန်နေတဲ့ ရန်ကုန် အခြေစိုက် မြေအောက်တော်လှန်ရေးအဖွဲ့ ငါးဖွဲ့ကလည်း ဒီဇာတ်လမ်းတွဲမှာ ပါဝင်သူတွေကို အရေးယူသွားမယ်လို့ ​ကြေညာထားပါတယ်။