စက်တင်ဘာ-၂၁၊၂၀၂၆။နေ့သစ်/People’s Spring
စစ်မှုထမ်းအတွက်ဖမ်းဆီးထားသူတွေကိုမန္တလေးမြို့၊နန်းတွင်းထဲကနေ ပုသိမ်ကြီးမြို့နယ်၊တပ်မ(၃၃)လက်အောက်ခံစစ်မှုထမ်းသင်တန်း ကျောင်းကိုယနေ့ ပို့စဥ်လူငယ်တဦး ကကားပေါ်မှ ခုန်ချထွက်ပြေးသွားပြီးစစ်တပ်ကလိုက်လံရှာဖွေနေတယ်လို့ ဒေသခံ တွေက ပြောပါတယ်။
မန္တလေးမြို၊အလယ်ပိုင်းတိုင်းစစ်ဌာနချုပ်(လပခ)တည်ရှိရာနန်းတွင်းထဲကနေ ဖမ်းဆီးထားတဲ့လူငယ်တွေကို ပုသိမ်ကြီးမြို့နယ်က တပ်မ(၃၃)လက်အောက်ခံ ၊ခလရ (၁၁၉)နဲ့ ခလရ(၁၁၆)တပ်ရင်း တွေဆီကို ဆက်တိုက်ပို့နေပြီး စက်တင်ဘာလ၂၁ ရက်၊ညနေပိုင်းမှာလည်း ကား၂စီးတဲ့ ထပ်မံပို့ခဲ့တာပါ။
အဲလိုပို့စဥ်မှာကားတစ်စီး ပေါ်ပါတဲ့ လူငယ်တဦးဟာ လမ်းပိတ်နေတဲ့အချိန်ခုန်ချထွက်ပြေးသွားတာ ကြောင့်စစ်အုပ်စုက ပိုက်စိတ်တိုက်လိုက်လံရှာဖွေ နေတယ်လို့ ဒေသခံတွေကပြောပါတယ်။
Public Service Announcement
“နန်းတွင်းထဲက နေ ၁၉လမ်းတည့်တည့်ထွက်ရတာပုသိမ်ကြီးမြို့ကို။ ၆၆လမ်းနဲ့၆၂လမ်းကြားမှာလူငယ်တ ယောက်ခုန်ချခဲ့တယ်လို့ သိရတယ်။အဲတာကြောင့် ညနေကတည်းကစစ်သား တွေခြေရှုပ် နေတာ။အဲဒီကားပေါ်မှာ ရှေ့ခေါင်းခန်းမှာစစ်သား၃ယောက် ၊အနောက်က လူငယ် တွေအုပ်စုကိုလုံခြုံ ရေး သေနတ်ကိုင်ပြီး အနည်းဆုံး၂ ယောက်ပါတယ်။ရုံးဆင်းချိန်ဆိုတော့ လမ်းပိတ်တုန်းခဏကို ခုန်ချသွားတာတဲ့”လို့ ဒေသခံတဦးကပြောပါတယ်။
စက်တင်ဘာလ၁၆ ရက်နေ့ကလည်းစစ်အုပ်စုကနန်းတွင်းထဲက နေ ကား၂စီးနဲ့ ပေါ်တာဆွဲထားတဲ့လူငယ်တွေကို အထက်ပါတပ်ရင်းတွေကျုပို့ခဲ့ပါသေးတယ်။
စက်တင်ဘာလအတွင်းမှာ စစ်အုပ်စုကစစ်မှုအတွက် ပေါ်တာဆွဲထားတဲ့၊အဓမ္မစစ်သားစုဆောင်းထားပြီးနန်းတွင်းထဲမှာ ဖမ်းဆီးထားတဲ့ လူငယ်တွေကိုပုသိမ် ကြီးမြို့နယ်က စစ်မှုထမ်းသင်တန်းတွေဆီပို့တာ ၃ ကြိမ်ရှိပြီဖြစ်ပါတယ် ။
