ဒီဇင်ဘာ-၂၅၊ ၂၀၂၅/People’s Spring
စစ်ကိုင်းတိုင်း၊ မြောင်မြို့နယ်၊ မြောင်-ပရိမ္မ လမ်းမပေါ်မှာ စစ်တပ်ရဲ့ ရွေးကောက်ပွဲဆန့်ကျင်ရေး ပိုစတာဆိုင်းဘုတ်တွေကို မြောင်မြို့နယ်လူထုသပိတ်တိုက်ပွဲဦးဆောင်ကော်မတီနဲ့ ခရိုင်၊ မြို့နယ် ပသုံးလုံးတာဝန်ခံတွေက ပူးပေါင်းပြီးစိုက်ထူခဲ့ပါတယ်။
ပြည်သူလူထုအနေနဲ့ ဆန့်ကျင်ကြဖို့၊ မပူးပေါင်းကြဖို့၊ နိုင်ငံသားအခွင့်အရေးတွေကို တန်ဖိုးထားကာကွယ်ကြဖို့ လှုံ့ဆော်မှုအနေနဲ့ စိုက်ထူခဲ့တာဖြစ်ကြောင်း မြောင်မြို့နယ်လူထုသပိတ်တိုက်ပွဲဦးဆောင်ကော်မတီက အသိပေးပါတယ်။
“လူထုကို ဖိနှိပ်၊ နိုင်ငံကို ဖျက်စီးနေတဲ့ အကြမ်းဖက်စစ်တပ်ဟာ နိုင်ငံကို အုပ်ချုပ်ဖို့ အခွင့်အာဏာမရှိပါဘူး။ ရွေးကောက်ပွဲကျင်းပဖို့လည်း အခွင့်အာဏာမရှိပါဘူး။ အတုအယောင်ရွေးကောက်ပွဲလုပ်၊ ပြည်သူတွေကို အတင်းအကြပ် ခြိမ်းခြောက်ပြီး မဲထည့်ခိုင်း၊ ဒီလို လုပ်ရုံနဲ့ တရားဝင်အစိုးရမဖြစ်ပါဘူး။ သိုးရေခြုံတဲ့ ဝံပုလွေလို အတုအယောင်သာဖြစ်ပါတယ်။”လို့ မြောင်မြို့နယ်လူထုသပိတ်တိုက်ပွဲဦးဆောင်ကော်မတီက ထပ်မံအသိပေးပါတယ်။
Public Service Announcement
လူထုအာဏာကို မတရားလုယူထားတဲ့ စစ်တပ်ဟာ ပြည်သူတွေရဲ့ အုံကြွတော်လှန်မှုကြောင့် ပြိုလဲလုနီးပါးအခြေအနေကို ရောက်နေပြီး အသက်ဆက်နိုင်ဖို့ ကြိုးစားတဲ့အနေနဲ့ အတုအယောင် ရွေးကောက်ပွဲကို ပြုလုပ်ဖို့ ပြင်ဆင်နေတာဖြစ်ကြောင်း မြောင်မြို့နယ်လူထုသပိတ်တိုက်ပွဲဦးဆောင်ကော်မတီက ထုတ်ပြန်ထားပါတယ်။
