စစ်ကိုင်းတိုင်း ချင်းတွင်းတံတား(မုံရွာ)၊ မုံရွာ-ပုသိမ်လမ်းမကြီးနှင့် ယာကြီး-ကလေးဝလမ်းမကြီးများအား ယနေ့ညမှစတင်ကာ ဖြတ်သန်းသွားလာခြင်းမပြုရန် ဒေသတွင်း PDFအဖွဲ့များက အသိပေးကြေညာသည်။
ယနေ့( ဒီဇင်ဘာလ ၈ ရက်နေ့) ည၁၂နာရီမှစ၍ချင်းတွင်းတံတား(မုံရွာ)နှင့် ယာကြီး-ကလေးဝ လမ်းမကြီးအားအကန့်သတ်မရှိ ဖြတ်သန်းသွားလာခြင်းမပြုကြရန်နှင့်ဖြတ်သန်းသွားလာခွင့်ပြန်လည်ရရှိမည့်အချိန်နှင့် နေ့ရက်အား ပြန်လည်အသိပေးမည်ဟု ယင်းမာပင် PDFက အသိပေးသည်။
“ဘာကြောင့်ပိတ်တယ်ဆိုတာ ကြိုပြောလို့မရပါဘူး”ဟု ယင်းမာပင် PDF မှ ဖြေကြားသည်။
အလားတူ မုံရွာ-ပုသိမ်လမ်းမကြီးအား ယနေ့ (ဒီဇင်ဘာလ ၇ ရက်)မှ နောက်ထပ်ကြေညာချက်တစ်စုံတစ်ရာမထုတ်ပြန်မီအထိ ခရီးသွားလာခြင်းများအားရှောင်ရှားကြပါရန် Salingyi Local Defence Force မှ ကြေညာချက်ထုတ်ပြန်သည်။
Public Service Announcement
မုံရွာမြို့နယ်တွင် ယနေ့ မွန်းလွဲပိုင်းမှစတင်ကာ ပြင်ပထွက်ခွာခြင်းမပြုရန်နှင့် မုံရွာ-အမြင့်ကျေးလက်လမ်းလည်း ဖြတ်သန်းသွားလာခြင်းမပြုရန် ဒေသတွင်း PDFများက အသိပေးထားသည်။
