စစ်တပ်ရဲ့ Mi-17 ရဟတ်ယာဥ်တစ်စီးကို မြိုင်မှာ ​တော်လှန်​ရေးတပ်ဖွဲ့​တွေပစ်ချ

ဇွန်-၂၃၊၂၀၂၆။​နေ့သစ်/People’s Spring

အာဏာသိမ်းစစ်တပ်ရဲ့Mi 17 တစ်စီးကို မြိုင်မြို့နယ် တ​နေရာမှာမှာ ​​တော်လှန်​ရေးမဟာမိတ်တပ်ဖွဲ့​တွေက ပစ်ချလိုက်​ကြောင်း မကွေးပြည်သူ့ကာကွယ်ရေးတပ်မတော်(Magway – PDF)ကထုတ်ပြန်ပါတယ်။

​တော်လှန်​ရေးအင်အားစုများ ပူးပေါင်း၍ မကွေးဖက်ဒရယ်ယူနစ် ၊ ပခုက္ကူခရိုင် ၊ မြိုင်နယ် တနေရာမှာ ပစ်ချနိုင်ခဲ့တာလို့​ဖော်ပြထားပြီး အသေးစိတ်ကို ဆက်လက်ထုတ်ပြန်သွားမယ်လို့​ဖော်ပြထားပါတယ်။

ပြည်သူ​တွေ နဲ့ ရဲဘော်​တွေ အ​နေနဲ့ စစ်တပ် လေကြောင်းအန္တရာယ်ဂရုစိုက်ကြဖို့လည်းမ​ကွေး PDF ကတိုက်တွန်းထားပါတယ်။

Public Service Announcement

မကွေးဖက်ဒရယ်ယူနစ်ဝန်ကြီးချုပ်ဒေါက်တာရဲထွန်းဇော်က “Congratulations ပါ၈/ သူရဲကောင်းအပေါင်းတို့” လို့ လူမှုကွန်ရက်မှာရေးသား ဂုဏ်ပြုထားပါတယ်။

မဟာမိတ်အင်အားစုတွေနဲ့ပူးပေါင်းပြီး တိုက်ခိုက်နေတဲ့တိုက်ပွဲမှာ ပစ်ချနိုင်ခဲ့တာလို့PDF တဦးက​ပြောပါတယ်။

ဒေသတွင်းကပြည်သူ့ကာကွယ်ရေးရဲဘော်တဦးက”မှန်တယ်။ အဲဒီကိစ္စသိတယ်။ Mi 17 ပစ်ချနိုင်ခဲ့တာဟုတ်တယ်။ အသေးစိတ်လုပ်စရာရှိတာဆက်လုပ်နေကြတယ်” လို့ ဆိုပါတယ်။

မြိုင်မြို့နယ်အတွင်းမှာတိုက်ပွဲဆက်လက်ပြင်းထန်နေပြီး နောက်ဆက်တွဲရရှိတဲ့သတင်းကို People’s Spring အနေနဲ့ ဆက်လက်ဖော်ပြပေးသွားပါမယ်။

စစ်တပ်အာဏာသိမ်းပြီး​နောက်ပိုင်း​တော်လှန်​ရေးတပ်​တွေကခုခံ​တော်လှန်စစ်အတွင်း စစ်တပ်တိုက်​လေယာဥ်နဲ့ ရဟတ်ယာဥ်​တွေကိုပစ်ချနိုင်ခဲ့တာ အနည်းဆုံး ၁၃ စီးရှိပြီဖြစ်ပါတယ်။ဒါအပြင် စစ်တပ်အာဏာသိမ်းပြီး​နောက်ပိုင်းစစ်တပ် ​​လေယာဥ် ၊ရဟတ်ယာဥ်​တွေပျက်ကျတာ ၊ချို့ယွင်းတာအစီး​ရေး ဆယ်စီးဝန်းကျင်ရှိ​နေပြီဖြစ်ပါတယ်။