ဇွန်-၂၅၊၂၀၂၆၊ကတ်သရင်းနှင်း၊People’s Spring
မန္တလေးတိုင်း၊တောင်သာမြို့နယ် ရေခါးရွာကို တပ်စွဲထားတဲ့ စစ်တပ်က ဒရုန်းနဲ့ ဗုံးကြဲတိုက်ခိုက်ခဲ့ရာ မလှိုင်မြို့နယ် သဘွတ်ကုန်းကျေးရွာက ပြည်သူနေအိမ်ပေါ်ကျပြီး လင်မယား ၂ဦး သေဆုံးကာ သမီးဖြစ်သူဒဏ်ရာ အပြင်းအထန်ရခဲ့တယ်လို့ ဒေသခံတွေက ပြောပါတယ်။
ဇွန်လ၂၄ ရက် ည ၇နာရီမှာ ရေခါးကျေးရွာမှာ တပ်စွဲထားတဲ့ စစ်တပ်က ဒရုန်းနဲ့ ဗုံးချခဲ့တာမို့ နယ်မြေချင်းထိစပ်နေတဲ့ သဘွတ်ကုန်းရွာအတွင်း ကျကာ အသက်(၄၀)ခန့်ရှိ ဦးဝင်းအောင်နဲ့ ဒေါ်ရခင်စန်းရီတို့ လင်မယား ၂ဦး သေဆုံးခဲ့ပြီး (၁၄)နှစ်အရွယ် သမီးဖြစ်သူ မ ငွေမန်းသူ ခြေထောက် ဒဏ်ရာပြင်းထန်ရခဲ့တယ်လို့ လူထုသတင်းကွန်ယက်မလှိုင်မြို့က တာဝန်ရှိသူက ပြောပါတယ်။
” မနေ့က စစ်ကြောင်းဝင်လာတဲ့အချန် မသိတော့ပိတ်မိကုန်တာပေါ့။သဘွတ်ကုန်းမှာက စစ် ကြောင်းမရှိ ပေမယ့် လမ်းဘဲခြားတဲ့ ရေခါးကိုဝင်လာတာ။အနီးပတ်ဝန်းကျင်မှာ PDF တွေလည်းမရှိဘဲ ဒရုန်းနဲ့ချတာ”လို့ လူထုသတင်းကွန်ယက် မလှိုင်မြို့က တာဝန်ရှိသူက ပြောပါတယ်။
Public Service Announcement
ဒရုန်းချခံရပြီးနောက် ဒီနေ့မနက်မှာတော့ ကျေးရွာအတွင်းကနေ ရှောင်တိမ်းနေကြသူ တွေလည်းရှိတယ်လို့ သိရပါတယ်။
လက်ရှိ မလှိုင်မြိုနယ်မှာလည်း ညာဏ်ကန်ရွာ၊သရက်ကန်ရွာ၊ရွာသာအေးရွာ၊ပန်းအိုင်ရွာတို့မှာ စစ်တပ် စစ်ကြောင်းတွေ ရှိနေတယ်လို့သိရပါတယ်။
အဲဒီစစ်ကြောင်းတွေကြောင့် ကျေးရွာ ပေါင်း၂၀ ခန့်က ပြည်သူတွေလည်းရှောင်တိမ်းနေရတယ်လို့ သိရပါတယ်။
