ကေအဲန်ယူ-သထုံခရိုင် ဘီးလင်းမြို့နယ် ကြသောင်းဆိပ် BGFစခန်းသိမ်းတိုက်ပွဲမှ အောင်ပွဲခံဖြင့် ပြန် လာသော ကရင့်အမျိုးသား လွတ်မြောက်ရေးတပ်မတော် (KNLA)နှင့် PDF ပူးပေါင်းတပ်ဖွဲ့ကို ဒေသခံပြည်သူ လူထုက ယနေ့( ဒီဇင်ဘာ ၁၉ရက်) နံနက် ၁၀ နာရီခွဲတွင် ပန်းကုံးများ၊ သပြေပန်းများဖြင့် ဂုဏ်ပြုကြိုဆိုခဲ့ကြသည်။
အခမ်းအနား၌ အောင်ပွဲခံစစ်သည်များကို ပန်းကုံးများ၊ သပြေပန်းများ ဂုဏ်ပြုပေးကမ်းခဲ့ကြပြီး စားသောက်ဖွယ်ရာများဖြင့် ဧည့်ခံကျွေးမွေးခဲ့ကြသည်။
ဒီဇင်ဘာ ၁၈ရက်ကလည်း မင်းစောကျေးနယ်ဖက်တွင် ဒေသခံများက အောင်ပွဲခံစစ်သည်များကို ဂုဏ်ပြုကြိုဆိုခဲ့ကြပြီး ယနေ့တွင်မူ ရွှေ အုပ်ကျေးနယ် ဒေသခံပြည်သူများမှ ဂုဏ်ပြုကြိုဆိုခဲ့ကြခြင်းဖြစ်သည်။
ကြသောင်းဆိပ်ကျေးရွာရှိ BGF-၁၀၁၃ တပ်စခန်းအား ကရင့်အမျိုးသား လွတ်မြောက်ရေးတပ်မတော် (KNLA)တပ်မဟာ (၁)ဗျူဟာ၊ တပ်ရင်း(၁)နှင့် PDF ပူးပေါင်းတပ်ဖွဲ့များမှ ဒီဇင်ဘာ၁၇ ရက် နံနက် ၆နာရီ စတင်ထိုးစစ်ဆင်တိုက်ခိုက်ခဲ့ပြီး ည၉နာရီခွဲတွင် BGF-၁၀၁၃ စခန်းအား KNLA ပူးပေါင်းတပ်ဖွဲ့က သိမ်းယူနိုင်ခဲ့သည်။
Public Service Announcement
