အမြောက်တွေတင်ဆောင်လာတဲ့ စစ်ကားနှစ်စီးအပါအဝင် စစ်ကောင်စီကား ၁၆ စီးဟာ အိန္ဒု ကော့ကရိတ်အာရှလမ်းအတိုင်း ရောက်ရှိလာပြီး ဒီမနက်အစောမှာ လွန်းညရွာကို ရောက်ရှိခဲ့ကြောင်း မြေပြင်သတင်းပေးပို့ချက်အရ သိရပါတယ်။
လွန်းညရွာက ဘားအံမြို့အထွက်ရွာဖြစ်ပြီးတော့ ကားတွေက လေးကေကော်ကိုဦးတည်သွားနေတာဖြစ်တယ်လို့ သိရပါတယ်။
ခန့်မှန်းခြေ အင်အား ၇၀ ခန့်ရှိပြီးတော့ အိန္ဒု ကော့ကရိတ်အာရှလမ်းအတိုင်းတက်သွားနေ တယ်လို့ မြေပြင်သတင်းပေးပို့ချက်ကနေ သိရပါတယ်။
ကော့ကရိတ်မှာ ပစ်ခတ်သံတွေအခုမနက် ၈ နာရီကျော်ကျော်လောက်မှာ စကြားနေရတယ်လို့ ဒေသခံတွေက ပြောပါတယ်။
Public Service Announcement
လေကေကော်ကနေစတင်ခဲ့တဲ့ တိုက်ပွဲတွေမှာ စစ်ကောင်စီတပ်တွေအကျအဆုံးများတဲ့သတင်းတွေဆက်တိုက်တက်လာနေပြီးတော့ အရှေ့တောင်တိုင်းစစ်ဌာနချုပ်မှာ အမှတ် ၄ စစ်ဆင်ရေးအထူးအဖွဲ့မှူး ဗိုလ်ချုပ်အောင်စိုးကိုယ်တိုင် လာရောက်ကွပ်ကဲနေတာဖြစ်တယ်လို့ သိရပါတယ်
ကရင်ပြည်နယ်ကို အင်တာနက်လက်ဖြတ်တောက်မယ့်သတင်းတွေလည်းထွက်ပေါ်နေတယ်လို့လည်းသိရပါတယ်။
