ဇူလိုင်-၅၊၂၀၂၆။ဟာနာဆန်/People’s Spring
စစ်ကိုင်းတိုင်း၊ ရွှေဘိုမြို့မှာ ညဘက် လျှပ်စစ်မီးပြတ်တောက်ချိန် သူခိုးတွေ သောင်းကျန်းနေပြီး ၃ ရက်ဆက်တိုက် ဖောက်ထွင်းခိုးယူခံနေရကြောင်း ဒေသခံတွေက ပြောပါတယ်။
ရွှေဘိုမြို့၊အမှတ် ၁ ရပ်ကွက်မှာဇူလိုင်လ ၁ ရက်နေ့ကနေ ၃ ရက်နေ့အထိ ၃ ရက်ဆက်တိုက်ညတိုင်းအိမ်တွေဖောက်ထွင်းခံရပြီး ဆိုင်ကယ်တွေ ခိုးယူခံလိုက်ရကြောင်း ဒေသခံတွေက ပြောပါတယ်။
အဆိုပါသူခိုးအဖွဲ့ဟာ ၈ ယောက်ထက်မနည်း ပါဝင်ပြီးမနက် ၁ နာရီကနေ ၄ နာရီအတွင်း ဝင်ရောက်ခိုးယူသွားတာဖြစ်ကြောင်း ဒေသခံတွေက ပြောပါတယ်။
Public Service Announcement
“ဘောင်းဘီတိုအင်္ကျီချွတ်တွေနဲ့တုတ်တွေ ဓားတွေလည်းပါတော့အိမ်ရှင်ကမြင်ရင်တောင်မအော်ရဲဘူး။ဒီတိုင်းကြည့်နေရတယ်”လို့ဒေသခံတစ်ဦးက ပြောပါတယ်။
ဒါ့အပြင် ရွှေဘိုမြို့မှာ လျှပ်စစ်မီးဆိုးရွားစွာ ပြတ်တောက်နေတာကြောင့်သူခိုးတွေသောင်းကျန်းနေတာဖြစ်ကြောင်းဒေသခံတွေကပြောပါတယ်။
“ညဘက်မီးမလာတော့ပိုဆိုးတယ်။ အိမ်တွေကနေ ဓာတ်တိုင်ကိုသွယ်တန်းထားတဲ့ လျှပ်စစ်မီးကြိုးတွေလည်း ဖြုတ်ခိုးနေကြတယ်”လို့ဒေသခံတစ်ဦးကဆိုပါတယ်။
အလားတူ စစ်ကိုင်းတိုင်းမှာ မုံရွာမြို့အပါအဝင် စစ်ကောင်စီထိန်းချုပ်ရာ မြို့ပေါ်တွေမှာဓါးပြတိုက်ပြန်ပေးဆွဲတာတွေ၊ခိုးဆိုးလုယက်မှုတွေဖြစ်ပွားနေပြီးအာဏာသိမ်းစစ်တပ်က ဖမ်းဆီးအရေးယူခြင်းမရှိကြောင်း ဒေသခံတွေဆီက သိရပါတယ်။
