ဇူလိုင်-၂၁၊၂၀၂၆။သတိုး/People’s Spring
ရန်ကုန်မြို့၊အင်းစိန်မြို့မ ရဲစခန်းဂိတ်ကင်းမှာ ရဲတပ်ဖွဲ့ဝင်တွေရှိနေချိန် ပြင်းအားမြင့် လက်ပစ်ဗုံး ၂လုံးနဲ့ တိုက်ခိုက်ခဲ့တယ်လို့ Yangon Army (YA) အဖွဲ့တာဝန်ရှိသူက ပြောပါတယ်။
ဒီနေ့(ဇူလိုင်၂၁) ည ၇ နာရီကျော်မှာ စစ်ဆင်ရေးကို လုပ်ဆောင်ခဲ့တာဖြစ်ပြီး မိုးရွာနေပေမယ့် မစ်ရှင်ကိုအောင်မြင်အောင်လုပ်နိုင်ခဲ့တယ်လို့ ပြောပါတယ်။
“ကျနော်တို့ရဲဘော်၁ယောက်နှစ်လပိုင်းမှာအဖမ်းခံရပြီးစစ်ကြောရေးမှာကျသွားထဲကရှိတဲ့ သူတွေလဲအကုန်ရှောင်တိမ်းနေရတာ။ကြားမှာ တခါလားဘဲမစ်ရှင်လုပ်ဖြစ်တော့တယ်” လို့ YA ရဲ့ တာဝန်ရှိသူကပြောပါတယ်။
Public Service Announcement
လက်ရှိအချိန်မှာတော့ အဖွဲ့သားတွေပြန်စုစည်းပြီး မစ်ရှင်တွေ ဆက်တိုက်လုပ်သွားဖို့ ရှိတယ်လို့ ဆိုပါတယ်။
“ရပ်နေလို့မှမရတာ၊ကျန်တဲ့သူတွေဆက်ပြီးနိုင်တဲ့ဝန်ထမ်းဖို့အားလုံး Ygnကိုပြန်ဝင်နေပါပြီ။နောက်လလောက်ဆိုပုံမှန်ပြန်ဆော်နိုင်ပါပြီဗျာ”လို့ စစ်ဆင်ရေးတွေဖော်ဆောင်မယ့်အကြောင်းနဲ့ ပတ်သက်ပြီးပြောပါတယ်။
ရန်ကုန်မြို့မှာ အခုနောက်ပိုင်း မြို့ပြပြောက်ကျားအဖွဲ့တွေရဲ့ တိုက်ခိုက်မှု နည်းပါးသွားပြီး YA အဖွဲ့က အခု မြို့ပြပြောက်ကျားတိုက်ခိုက်မှု ပြန်လုပ်လာတာ ဖြစ်ပါတယ်။
