ဇူလိုင်၂၄၊၂၀၂၆။ကတ်သရင်း/People’s Spring
မန္တလေးမြို့က မီလျံနာရွှေဆိုင်ဓားပြတိုက်မှု ကျူးလွန်သူတွေဖမ်းမိပြီး ကျူးလွန်သူတွေဟာ စစ်ကောင်စီရဲ့လွတ်ငြိမ်းနဲ့ လွတ်မြောက်လာသူတွေပါဝင်တယ်လို့ စစ်တပ်လက်အောက်ခံ ရဲတပ်ဖွဲ့အသိုင်းဝိုင်းက ပြောပါတယ်။
ဇူလိုင် ၂၀ ရက် ညနေ ၃နာရီခွဲမှာ မန္တလေးမြို့၊ချမ်းမြသာစည်မြို့နယ် ၊၁၁၀လမ်း၊၆၂နဲ့၆၄လမ်းကြားက မီလျံနာ ရွှေဆိုင်ကို လူ ၆ဦးက သေနတ်တွေနဲ့ ဓားပြဝင်တိုက်ခဲ့ရာ ရွှေ ၁ပိသာခန့် ပါသွားတယ်လို့ သိရပါတယ်။
အဲဒီတရားခံတွေကို စစ်ကောင်စီက ဇူလိုင် ၂၂ရက်နဲ့၂၃ရက်တွေမှာ ဖမ်းမိခဲ့တာလို့ ဆိုပါတယ်။
Public Service Announcement
ဓားပြတိုက်မှုကျူးလွန်သူတွေထဲက ၄ဦးဟာ အရင်က ခိုးမှုနဲ့ ဓားပြမှု တွေမှာပါဝင်ဖူးခဲ့သူ တွေဖြစ်ပြီး ထောင် ၃ခါကျဖူးကာ စစ်တပ်က လွတ်ငြိမ်းနဲ့ပြန်လွှတ်သူတွေဖြစ်တယ်လို့ သိရပါတယ်။
” အမြန်လမ်းမှာ နှစ်ယောက်မိပြီး ဆက်တိုက်လိုက်တာ။ သေနတ်နဲ့တစ်ယောက်ကို နောက်ဆုံးမန္တလေးမြို့ပေါ်မှာဖမ်းမိတာ။ကျူးကျော်တွေကို ချပေးထားတဲ့တိုက်ခန်းမှာ နေတာတဲ့”လို့ မြို့ခံတစ်ဦးက ပြောပါတယ်။
တရားခံတွေကို တိုင်းရဲရုံးမှာချုပ်ထားပြီး ရွှေဆိုင်က ဓားပြတိုက်ခံရချိန်မှာ ရွှေ ၁ပိသာခန့်ပါသွားတယ်လို့ဆိုပေမယ့် စစ်ဆေးချိန်မှာ ၁၅ကျပ်သားခန့်သာ တွေ့သေးတယ်လို့ ရဲတပ်ဖွဲ့အသိုင်းဝိုင်းက သိရပါတယ်။
တရားခံတွေကို ပဲခူးသွားတဲ့ အမြန်လမ်းမှာ ၂ဦး၊မန္တလေး -စစ်ကိုင်းလမ်းမှာ ၂ဦး၊မန္တလေးမြို့ကတည်းခိုခန်းမှာ ၁ဦးနဲ့ ကမ်းနားလမ်းကတိုက်ခန်းမှာ ၁ဦး ဖမ်းမိခဲ့တာလို့ ဆိုပါတယ်။
စစ်တပ်အာဏာသိမ်းပြီးနောက် မန္တလေးမြို့မှာ ဓားပြမှုနဲ့ လူသတ်လုယက်မှုတွေ အများအပြားဖြစ်နေပြီး အားလုံးနီးပါးက တရားခံကို ဖမ်းမမိပါဘူး။ မန္တလေးမြို့အပြင် ရန်ကုန်၊မုံရွာ နဲ့ စစ်တပ်မြို့တော် ပြင်ဦးလွင်မြို့မှာလည်း ဓားပြတိုက်မှု မကြားခဏ ဖြစ်နေပါတယ်။
