ဇူလိုင်-၂၈၊၂၀၂၆။ဆဏ်း/People’s Spring
မြန်မာနိုင်ငံက လိုအပ်တဲ့နေရာတွေကို ထောက်ပံ့ပေးဖို့ ရည်ရွယ်ချက်နဲ့ ပြုလုပ်မယ့် Together for Tomorrow ဖျော်ဖြေပွဲကို ဩစတေးလျနိုင်ငံရဲ့ မြို့ သုံး မြို့မှာ ပြုလုပ်သွားမှာပါ။
ဒီဖျော်ဖြေပွဲမှာ မောင်မောင်ဇော်လတ် နဲ့ ယုဇနတို့က အဓိက ဖျော်ဖြေမှာဖြစ်ပြီး ပထမဆုံးဖျော်ဖြေပွဲကို ဩဂုတ် ၁ ရက် ဆစ်ဒနီမြို့မှာပြုလုပ်မှာပါ။
ဆစ်ဒနီဖျော်ဖြေပွဲ လက်မှတ်တွေကို ဩစတေးလျဒေါ်လာ ၁၀၀ ၊ ၁၂၅ နဲ့ ၁၅၀ နဲ့ ရောင်းချပေးနေတာဖြစ်ပြီး ဒေါ်လာ ၁၀၀ တန်လက်မှတ်တွေ အကုန်ရောင်းကုန်သွားပြီလို့ သိရပါတယ်။
Public Service Announcement
ဒီပွဲကိုကြည့်ချင်တဲ့ ကျောင်းသားကျောင်းသူတွေအတွက် အထူးအစီအစဉ်အနေနဲ့ ဒေါ်လာ ၁၂၅ တန် လက်မှတ်တွေကို ဒေါ်လာ ၁၀၀ နဲ့ ရောင်းချပေးမယ်လို့ Together for Tomorrow ဖျော်ဖြေပွဲက အသိပေးထားပါတယ်။
ဒီပွဲမှာဖျော်ဖြေတင်ဆက်မယ့် မောင်မောင်ဇော်လတ်က ပြီးခဲ့တဲ့ ရက်က သမီးဖြစ်သူရဲ့ ၂၅ နှစ်ပြည့် မွေးနေ့အတွက် ရည်ရွယ်တဲ့ အကြွင်းမဲ့ သီချင်းကို အွန်လိုင်းမှာ တင်ပေးခဲ့ပါတယ်။
ဒီပွဲမှာပါဝင်တဲ့ အနုပညာရှင်တွေက ဩစတေးလျနိုင်ငံမှာ အခြေချနေထိုင်သူတွေဖြစ်ပြီး တော်လှန်ရေးပွဲတွေမှာလည်း ပါဝင် ဖျော်ဖြေပေးလေ့ရှိကြပါတယ်။
“ကိုယ်နေတဲ့မြို့ Sydney မှာစတင်တဲ့ Together For Tomorrow ဒီပွဲလေးအတွက် ရင်တွေတော့တကယ်ခုန်၊ ဆိုဖို့တောင်းထားတဲ့ သီချင်းလေးတွေ အသစ်ထပ်ထည့်လိုက်, တစ်ချို့ပြန်ဖြုတ်လိုက်နဲ့ဖြစ်နေတဲ့ ယုရဲ့လတ်တလောအခြေနေလေးပေါ့” လို့ဖျော်ဖြေပွဲနဲ့ပတ်သက်ပြီး ယုဇန ရဲ့အကောင့်မှာ ရေးသားထားပါတယ်။
နောက်ထပ်ဖျော်ဖြေပွဲတွေကိုတော့ စက်တင်ဘာ ၅ ရက်မှာ မဲလ်ဘုန်းမြို့ နဲ့ စက်တင်ဘာ ၁၂ ရက်မှာ Brisbane မြို့တွေမှာ ပြုလုပ်သွားမှာပါ။
ဖျော်ဖြေပွဲတွေမှာပါဝင်မယ့် အနုပညာရှင်တွေနဲ့ တီးဝိုင်းအဖွဲ့တွေက အနုပညာကြေးမယူပဲ တင်ဆက်ပေးမှာဖြစ်ပြီး ရရှိတဲ့ အကျိုးအမြတ်တွေကို ပြည်တွင်းကလိုအပ်နေတဲ့ နေရာတွေကို လှူဒါန်းသွားမယ်လို့ Together For Tomorrow ကအသိပေးထားပါတယ်။
