ဇူလိုင်-၂၉၊၂၀၂၆။သုည/People’s Spring
နယ်သာလန်နိုင်ငံ The Hague မြို့ရှိ အပြည်ပြည်ဆိုင်ရာတရားရုံး (ICJ) ရှေ့ Den Haag Central နဲ့ Utrecht Central station တို့မှာ (၃၈) နှစ်မြောက် ၈လေးလုံး ဒီမိုကရေစီအရေးတော်ပုံ အထိမ်းအမှတ်အကြို ထီးသပိတ်လှုပ်ရှားမှုကို ဒီကနေ့ (ဇူလိုင် ၂၉) ပြုလုပ်ခဲ့ပါတယ်။
အနီရောင်ထီးတွေပေါ် မှာ လူထုခေါင်းဆောင် ဒေါ်အောင်ဆန်းစုကြည်ရဲ့ပုံနဲ့ ၈ သင်္ကေတကို ဖော်ပြခဲ့ပါတယ်။
အဲဒီလှုပ်ရှားမှုဟာ ၈လေးလုံး လူထုအရေးတော်ပုံကြီးမှ ၂၁နွေဦးတော်လှန်ရေးသို့ ဆက်နွယ်ဆင်းသက်လာတဲ့ မြန်မာ့ဒီမိုကရေစီတော်လှန်ရေးသမိုင်းကြောင်းနဲ့ ဒီမိုကရေစီအတွက် ဆက်လက်တိုက်ပွဲဝင်နေသော မြန်မာပြည်သူတွေရဲ့ မျော်လင့်ချက်၊ ယုံကြည်ချက်၊ စိတ်ဓာတ်နဲ့ ကြိုးပမ်းမှုတွေကို ထင်ဟပ်စေဖို့ ရည်ရွယ်ကြောင်း ရန်ကုန်လူထုသပိတ်က ဆိုပါတယ်။
Public Service Announcement
အခုကျရောက်မယ့် (၃၈)နှစ်မြောက် ၈လေးလုံး အထိမ်းအမှတ် ၈၈၈၈ ထီးသပိတ်လှုပ်ရှားမှု ကို ပြည်တွင်း၊ ပြည်ပ ကမ္ဘာ့နိုင်ငံအသီးသီးမှ မြန်မာနိုင်ငံအရေးအတွက် ရပ်တည်ပေးနေကြများ အားလုံး ပူးပေါင်းပါဝင်ကြပါဖို့ကိုလည်း ရန်ကုန်လူထုသပိတ်က တိုက်တွန်းထားပါတယ်။
