ဩဂုတ်-၂၂၊၂၀၂၆၊ကတ်သရင်း/ People’s Spring
စစ်ကိုင်းတိုင်း၊ ဝက်လက်မြို့နယ်၊ကမ်းဖြူကျေးရွာကို စစ်သင်္ဘောတွေ လုံခြုံရေးလိုက်ပေးတဲ့ လေယာဉ်က ဗုံးကြဲခဲ့တာကြောင့် စစ်ရှောင် အမျိုးသား ၁ဦး သေဆုံးကာ ၃ဦး ပြင်းထန် ဒဏ်ရာရခဲ့တယ်လို့ ဒေသခံ တွေက ပြောပါတယ်။
ဩဂုတ်၂၂ရက် ဒီကနေ့မနက် ၈နာရီဝန်းကျင်မှာ ဗန်းမော်မြို့ကို စစ်ကူသွားတဲ့ စစ်သင်္ဘောတွေကို လုံခြုံရေး လိုက်ပေးတဲ့ Y-12 လေယာဉ်က မြစ်အနောက်ဘက်က ကမ်းဖြူကျေးရွာကို ဗုံးကြဲခဲ့တာလို့ သိရပါတယ်။
ဗုံးကြဲခံရမှုမှာ မတ္တရာမြို့နယ် မြွေရွာက စစ်ဘေးရှောင် အမျိုးသား ၁ဦးပွဲချင်းပြီး သေဆုံးပြီး အမျိုးသမီး ၁ဦးလည်းဒဏ်ရာပြင်းထန်ကာ စုစုပေါင်း ၃ဦး ဒဏ်ရာရခဲ့တယ်လို့ သိရပါတယ်။
Public Service Announcement
“ရွာအနောက်ပိုင်းအထွက် နေရာကိုကြဲတာ။စစ်ဘေးရှောင်တွေထိတာ။ဗုံးကနှစ်လုံးကြဲတယ်။အမျိုးသားကတော့ လည်ပင်းပြတ်ထွက်သွားတယ် ပြောတယ်။အမျိုးသမီးကလည်း ဒဏ်ရာပြင်းတယ်တဲ့”လို့ ဒေသခံတဦးက ပြောပါတယ်။
အဲဒီစစ်သင်္ဘောတွေဟာ ဒီကနေ့ ဩဂုတ် ၂၂ရက် နေ့လည်ပိုင်းမှာ စဉ့်ကူးမြို့နယ်၊ထုံးကြီးရွာရဲ့ အနောက်ဘက် ရောက်နေပြီလို့ သိရပါတယ်။
ဩဂုတ် ၂၁ရက် မနေ့ မနက်ပိုင်းမှာ မန္တလေးမြို့ကနေ စစ်သင်္ဘော ၁၄စီး ဗန်းမော်မြို့ကို တပ်ချိန်းဖို့ ထွက်သွားပြီး စစ်တပ်က လေကြောင်းကပါ လုံခြုံရေးပေးကာ မြစ်ကမ်း ပေးပတ်ဝန်းကျင် ကျေးရွာတွေကို ပစ်ခတ်နေတာပါ။
