ရန်ကုန်မြို့ မရမ်းကုန်းမြို့နယ်တွင် ယနေ့(ဒီဇင်ဘာ ၂၅) ညနေပိုင်း၌ ဆန္ဒပြသည့် လူငယ်များကို အကြမ်းဖက်စစ်ကောင်စီလက်ပါးစေများက အရပ်ဝတ်ဖြင့် ဝင်ရောက်ဖမ်းဆီးခဲ့ကြောင်း သပိတ်တွင် ပါဝင်ခဲ့သူအချို့က ပြော သည်။
ယနေ့ ညနေ ၅ နာရီတွင် သမိုင်း ကျိုက်ဝိုင်းဘုရားလမ်းအနီး အကြမ်းဖက်စစ်ခေါင်းဆောင် မင်းအောင်လှိုင်၏ ယောက္ခမအိမ်ရှေ့တွင် ဆန္ဒပြသည့် လူငယ်များကို စစ်ကောင်စီဝင်တစ်ဦးက အရပ်ဝတ်ဖြင့် ဝင်ရောက်ဖမ်းဆီးခဲ့ခြင်း ဖြစ်ကြောင်း လူငယ်တစ်ဦးက ပြောသည်။
“သပိတ်စပြီး ချက်ချင်းပဲ အရပ်ဝတ်နဲ့ ရဲတစ်ယောက် ဝင်ဖမ်းတာပါ။ ဒါပေမယ့် ကျွန်တော်တို့ ထွက်ပြေးနိုင်ခဲ့တယ်။ တစ်ယောက်မှတော့ အဖမ်းမခံရလိုက်ဘူး။ အကုန်ဘေးကင်းပါတယ် ” ဟု ယင်းလူငယ်က ပြောသည်။
ပြည်သူများ၏ ငြိမ်းချမ်းစွာ ဆန္ဒပြသူများအား စစ်ကောင်စီတပ်များက အကြမ်းဖက်ဖမ်းဆီးခြင်း၊ သေနတ်ဖြင့် ပစ်သတ်ဖြတ်ခြင်းများ ပြုလုပ်နေသော်လည်း ပြည်သူများက စစ်အာဏာရှင်ဖြုတ်ချရေး ဆန္ဒထုတ်ဖော်မှုများကို ပုံစံမျိုးစုံဖြင့် ပြုလုပ်နေဆဲဖြစ်သလို စစ်တပ်ထွက်ကုန်များကိုလည်း သပိတ်မှောက်နေကြသည်။
Public Service Announcement
