'/%3E%3C/svg%3E){kind=small}
ထီးလင်းမြို့နယ်တွင် ယမန်နေ့က ဖြစ်ခဲ့သည့် နေအိမ်တစ်အိမ်ဖောက်ထွင်းခံရမှုကို CDM ရဲများဖြင့်ဖွဲ့စည်းထားသော ပြည်သူ့ရဲတပ်ဖွဲ့ (ထီးလင်း)နှင့် YDF(ထီးလင်း) ပူးပေါင်းအဖွဲ့က ဖော်ထုတ်အရေးယူနိုင်ခဲ့သည်။
ထီးလင်းမြို့နယ်ဇီးတောကျေးရွာမှ ဒေသခံတစ်ဦး၏အိမ်တစ်အိမ်သည် ဒီဇင်ဘာလ ၃၁ရက် နေ့လယ်ကဖောက်ထွင်းခံရပြီး ငွေကျပ် (သိန်း၂၀) ဖောက်ထွင်းခိုးယူခံခဲ့ရသည်ဟု ယောဒေသကာကွယ်ရေးတပ်ဖွဲ့ -YDF(ထီးလင်း)က သတင်းထုတ်ပြန်သည်။
ဖောက်ထွင်းခိုးယူခံရသည့် နေအိမ်ပိုင်ရှင်က YDF(ထီးလင်း)သို့ အသိပေးတိုင်ကြား၍ CDM ရဲများဖြင့်ဖွဲ့စည်းထားသော ပြည်သူ့ရဲတပ်ဖွဲ့ (ထီးလင်း)နှင့်အတူ စစ်ဆေးရာ ဇန်နဝါရီ ၁ရက်တွင် တရားခံကို ဖော်ထုတ်အရေးယူနိုင်ခဲ့သည်ဟု YDF(ထီးလင်း)က သတင်းထုတ်ပြန်ထားသည်။
ငွေကျပ် သိန်း ၂၀ကို မူလပိုင်ရှင်ထံအပ်နှံပေးခဲ့သည်ဟုလည်း ဆက်လက်ထုတ်ပြန်ထားသည်။ ယောဒေသ၌ပါဝင်သော ထီးလင်းမြို့အပါအဝင် ယောဒေသတစ်ခုလုံးသည်စစ်ကောင်စီအား လက်နက်ကိုင်တော်လှန်နေသလို တစ်ချိန်တည်းတွင် အမျိုးသားညီညွတ်ရေးအစိုးရ၏ ဦးဆောင်မှုအတိုင်း ပြည်သူ့အုပ်ချုပ်ရေးယန္တရားကို အကောင်အထည်
ဖော်နေသည်။
Public Service Announcement
