အသံတိတ်သပိတ်ပြုလုပ်မယ့် ဖေဖော်ဝါရီလ ၁ ရက်နေ့မှာ ဈေးတွေ ဆိုင်တွေ လုပ်ငန်းတွေ မပိတ်ကြဖို့နဲ့ မလိုက်နာရင် အရေးယူမယ်လို့ မန္တလေး စည်ပင်က ဒီနေ့မှာ ထုတ်ပြန်လာပါတယ်။
မန္တလေး စည်ပင်က စီမံနေတဲ့ ဈေးတွေ ၊ရပ်ကွက်ဈေးတွေ ၊ စားသောက်ဆိုင်တွေ ၊ စတိုးဆိုင်တွေနဲ့ ကုန်စုံဆိုင်တွေ ၊ လုပ်ငန်းတွေ ဟာ အသံတိတ်သပိတ်နေ့မှာ ပိတ်တာဟာ တည်ဆဲဥပဒေကိုချိုးဖောက်တယ်လို့ ခြိမ်းခြောက်ထားတာတွေ့ရပါတယ်။
ဒီလို ထုတ်ပြန်ချက်ကိုမလိုက်နာရင်တော့ စည်ပင် ဥပဒေတွေအပြင် တည်ဆဲဥပဒေတွေနဲ့ပါ အရေးယူမယ်လို့ မန္တလေးစည်ပင် ခြိမ်းခြောက်ကြေညာထားပါတယ်။
လက်ရှိမှာတော့ စစ်ကောင်စီဟာ လာမယ့် အသံတိတ်သပိတ်မှာ ပါဝင်ဖို့ နှိုးဆော်တာ ၊ ပါဝင်တဲ့သူတွေကိုဥပဒေပေါင်းစုံနဲ့အရေးယူမယ်လို့ ခြိမ်းခြောက်ထားပါတယ်။
Public Service Announcement
စစ်အာဏာဆန့်ကျင်ရေးအင်အားစုတွေကတော့ လာမယ့်ဖေဖော်ဝါရီလ ၁ ရက်နေ့ ဟာ အာဏာသိမ်းမှု တစ်နှစ်ပြည့်တဲ့နေ့ဖြစ်တဲ့အပြင် တစ်နှစ်ကြာတဲ့အထိ စစ်တပ်အုပ်ချုပ်လို့မရတာကိုပြသချင်တဲ့အတွက် နိုင်ငံလုံးကျွတ်အသံတိတ်သပိတ်လုပ်ကြဖို့ ဆော်သြထားကြတာပါ။
