မန္တလေးမြို့ကန်တော်ကြီးမှာအမျိုးသားအလောင်းတွေ့

စက်တင်ဘာ -၁၉ ၊၂၀၂၆

မန္တလေးမြို့၊ချမ်းမြသာစည်မြို့နယ်၊ကန်တော်ကြီးကန်ပတ်လမ်းမှာအမျိုး သားတစ်ဦးရဲ့ ရုပ်အလောင်းကို မနေ့ ( စက်တင်ဘာလ ၁၈ ရက်) နေ့ခင်းပိုင်းက မြို့ခံတွေ တွေ့ရှိခဲ့တယ်လို့ လူမူကူညီရေး လုပ်ကိုင်သူအချို့ဆီကသိရပါတယ်။

ကန်တော်ကြီးကန်ပတ်လမ်းမှာအမျိုးသားတစ်ဦးလက်မှာဆေးထိုးအပ်တန်းလန်းနဲ့ သေဆုံးနေတာကို နေ့ခင်းပိုင်း ၂ နာရီခွဲဝန်းကျင်မှာ တွေ့ခဲ့ရတာပါ။

သေဆုံးသူအမျိုးသားဟာအသက် ၃၀ ကျော်အရွယ်ဖြစ်ပြီး ပြင်ပဒဏ်ရာမတွေ့ရဘဲ လက်မှာ ဆေးထိုးအပ်တန်းလန်းနဲ့သေဆုံးနေတာလို့ လူမှုကူညီရေးလုပ်ကိုင်သူတစ်ဦးကပြောပါတယ်။

Public Service Announcement

သေဆုံးသူဟာ မူးယစ်ဆေးဝါးသုံးစွဲရင်းသေဆုံးတာဟုတ်၊မဟုတ်ကိုတော့ သီးခြားအတည်မပြုနိုင်ပါဘူး။

ပြီးခဲ့တဲ့ရက်ပိုင်းစက်တင်ဘာလ၁၆ ရက်ကလည်း မန္တလေးမြို့ ၊ချမ်းအေးသာစံမြို့နယ်၊ သင်္ဂဇာချောင်းအနောက်ဘက် ၃၃ လမ်းနဲ့ ၃၄ လမ်း ကြားမှာ မှောက်ခုံသေဆုံးနေတဲ့ အမျိုးသမီးရဲ့ ရုပ်အလောင်းကို မြို့ခံတွေက တွေ့ခဲ့ကြပါတယ်။

ဒါအပြင်စက်တင်ဘာ ၁၅ ရက်ကလည်း မန္တလေးမြို့၊ ချမ်းမြသာစည်မြို့နယ်၊ မြို့သစ်(၅)ရပ်ကွက်၊ ၁၁၁ (A)လမ်း၊ ၆၈(A)လမ်းနဲ့ ၆၈(B) လမ်းကြားက နေအိမ်တစ်လုံးမှာအမျိုးသားနဲ့အမျိုးသမီးနှစ်ဦးတို့ သတ်ဖြတ်ခံရတဲ့ ဖြစ်စဉ်ဖြစ်ထားပါတယ်။