▪️အိမ်သာကျင်းထဲထည့်၍ ဆန့်ကျင်ကြရန် ဒေသခံတစ်ဦး မှတ်ချက်ပြု
ယတြာအစီရင်များပါရှိသည့် ငါးထောင်ကျပ်တန် များကို အကြမ်းဖက်စစ်ကောင်စီက လေယာဥ်ဖြင့် စစ်တောင်း မြစ်ထဲ ကြဲချခဲ့သည်ဟု ဒေသခံများက လူထုနွေဦးသို့ ပြောသည်။
ဇန်နဝါရီ ၂၉ရက်က အကြမ်းဖက်စစ်ကောင်စီတပ်သည် လေယာဥ်ဖြင့် ကြဲချသည့် ငါးထောင်ကျပ်တန်များကို တောင်ငူခရိုင် အုတ်တွင်းမြို့နယ်မှ ပြည်သူအချို့က ကောက်ယူရရှိခဲ့ခြင်းဖြစ်သည်။
“မနေ့က နေ့လည် ၁၁ နာရီလောက်မှာ ရဟတ်ယာဥ် ပျံသံကြားလို့ စူစမ်းကြည့်တော့ ဘာတွေကြဲမှန်းမသိကြဲနေတာ။အဲဒါနဲ့ တော်တော် ထွက်မကောက်ဖြစ်ဘူး။တစ်နာရီလောက်မှ ထွက်ကြည့်ပြီးတော့ အဲဒီပိုက်ဆံတွေရခဲ့တာ”ဟု ဒေသခံတစ်ဦးက ပြောသည်။
Public Service Announcement
အဆိုပါ ယတြာအစီရင်များပါရှိသည့် ပိုက်ဆံများကို လက်ခံထားသူများအနေဖြင့် အိမ်သာကျင်းထဲသို့ ထည့်ပေးပြီး စစ်အာဏာရှင်ကိုဆန့်ကျင်ကြရန်လည်း ဒေသခံတစ်ဦးက မှတ်ချက်ပြုသည်။
“နဂါးမင်းတက်လာပြီဖြစ်လို့ စစ်ခွေးတွေဘဝ မကြာခင်ပျက်တော့မှာဖြစ်ပါတယ်။ ချီးတပ်ယတြာကို ချီးတွင်းထဲ ထည့်ပေးလိုက်ကြပါ။ ဓာတ်ရိုက်၊ဓာတ်ဆင်သဘောမျိုးလဲ ဖြစ်ပါလိမ့်မယ်”ဟု ၎င်းက ပြောသည်။
နိုင်ငံ့အာဏာကို မတရားရယူခဲ့သည့် အကြမ်းဖက်စစ်ကောင်စီ၏ ထိပ်ပိုင်းခေါင်းဆောင်များသည် ၎င်းတို့ အာဏာတည်မြဲရေးအတွက် ဗေဒင်၊ယတြာများကို ယခင်ကတည်းက အလွန်အကျူးယုံကြည်သည် ဖြစ်ရပ်များစွာရှိခဲ့သည်။
