●စစ်ကောင်စီတပ်ကအိမ်တစ်လုံးနှင့်ဂိုဒေါင်ကိုမီးရှို့ ၊ပြည်သူ့နေအိမ်များမီးရှို့ဖျက်ဆီးခဲ့မှုအတွက်လက်တုံ့ပြန်မည်
စစ်ကိုင်းတိုင်း၊တမူးမြို့ နန်းဖာလုံ၊ မီးသတ်ရုံးအနီးတွင်အာဏာသိမ်းစစ်ကောင်စီတပ်ကို ပြည်သူ့ကာကွယ်ရေးတပ်မတော် – စစ်မြေပြင်အင်ဂျင်နီယာတပ်ဖွဲ့ (PDF-CEU)နှင့် ABSDFတို့ကပူးပေါင်း၍ယမန့်နေညနေ ၅ နာရီခွဲခန့်တွင် မိုင်းဆွဲတိုက်ခိုက်ရာ အကြမ်းဖက်စစ်ကောင်စီတပ်သား ၃ ဦးသေဆုံးခဲ့ကြောင်း PDF-CEUကယနေ့ထုတ်ပြန်သည်။
စစ်ကောင်စီတပ်မှ သုံးဦးသေဆုံးပြီး ပြည်သူ့ကာကွယ်ရေးတပ်ဖွဲ့များနှင့်ABSDF တပ်ဖွဲ့ဝင်များအထိ့အခိုက်အကျအဆုံးမရှိခဲ့ပေ။ထိုတိုက်ပွဲအပြီးတွင် အကြမ်းဖက်စစ်ကောင်စီတပ်က အရပ်သားနေအိမ်တစ်လုံးနှင့်ဆောက်လုပ်ရေးဂိုဒေါင်တစ်လုံး မီးရှို့ဖျက်ဆီးခဲ့ကြောင်းထုတ်ပြန်ချက်တွင်ဖော်ပြထားသည်။
အဆိုပါတိုက်ခိုက်မှုမှာ PDF-CEU အတွက် တတိယအကြိမ်အကြမ်းဖက်စစ်ကောင်စီအပေါ်တိုက်ခိုက်မှုဖြစ်ပြီးABSDF နှင့် ဒုတိယအကြိမ်ပူးပေါင်းစစ်ဆင်ရေးဖြစ်ကြောင်း PDF-CEU မှတာဝန်ရှိသူကပြောသည်။
Public Service Announcement
“မိုင်းခွဲခံရပြီးတော့ သူတို့လဲ အနီးအနားမှာရှိတဲ့အိမ်ကို အကြောင်းမဲ့မီးရှို့လိုက်တာပဲ။ အဲ့အိမ်က သာမန်ပြည်သူအိမ်ပါ”ဟု ဒေသခံတစ်ဦးကပြောသည်။ထိုသို့ ပြည်သူများ၏နေအိမ်ပစ္စည်းများမီးရှို့ဖျက်ဆီးမှုအပေါ် လက်တုန့်ပြန်သွားမည်ဟုလည်းထုတ်ပြန်ထားသည်။
“တမူးမြို့ပြည်သူတွေသတင်းစကားပါးချင်တာက ကျွန်တော်တို့တိုက်ခိုက်မှုအပြီးမှာ နေအိမ် အဆောက်အဦးတွေမီးရှို့ဖျက်ဆီးခံရတာ စိတ်မကောင်းဖြစ်မိပါတယ်။.အဲ့အတွက်လဲ လက်တုန့်ပြန်တိုက်ခိုက်ဖို့ရှိပါတယ်။ပြည်သူတွေပူးပေါင်းဆောင်ရွက်ပေးကြတာလဲဝမ်းသာပါတယ်။မလိုအပ်ပဲနေအိမ်ပြင်ပမှာ တပ်ဆင်ထားတဲ့ CCTV တွေဖြုတ်ထားပေးကြဖို့လဲတောင်းဆိုချင်ပါတယ်။စစ်အာဏာရှင်အမြစ်ပြတ်သည်အထိတိုက်ပွဲဝင်သွားပါမယ်” ဟုပြည်သူ့ကာကွယ်ရေးတပ်မတော် – စစ်မြေပြင်အင်ဂျင်နီယာတပ်ဖွဲ့
မှတာဝန်ရှိသူက ပြောသည်။
PDF-CEUနှင့် ABSDF ပူးပေါင်းအဖွဲ့သည် ဖေဖော်ဝါရီ ၆ ရက်ကလည်းတမူးမြို့ပေါ်ရှိ စစ်တပ်ပိုင် အင်းဝဘဏ်ရှေ့တွင် လုံခြုံရေးယူနေသည့် အကြမ်းဖက်စစ်ကောင်စီတပ်သားများကို လက်ပစ်ဗုံးဖြင့်ပစ်ခတ်တိုက်ခိုက်ခဲ့သည်။ ထိုတိုက်ခိုက်မူတွင် အကြမ်းဖက်စစ်ကောင်စီ တပ်သား ၂ ဦးသေဆုံးပြီး ၅ ဦး ဒဏ်ရာရရှိခဲ့သည်ဟုထုတ်ပြန်ထားသည်။
