ပင်လယ်ကြီးစစ်ဆေးရေးဂိတ်ကို စဥ့်ကူး PDFဝင်တိုက်၊ စစ်ကောင်စီတပ်မှ အရာရှိနှစ်ဦးသေ

မန္တလေး-မိုးကုတ်ကားလမ်းပေါ်ရှိ ပင်လယ်ကြီးစစ်ဆေးရေးဂိတ်ကို ဝင်ရောက်ပစ်ခတ်ခဲ့ကြောင်း စဥ့်ကူး PDFက ယနေ့(ဖေဖော်ဝါရီ ၁၄)ထုတ်ပြန်သည်။

စဥ့်ကူး PDFမှ ကျဆုံးစစ်သည် ရဲဘော်မိုးကြိုးကိုဂုဏ်ပြုသောအားဖြင့် မိုးကြိုးစစ်ဆင်ရေးဟု အမည်ပေးကာ စစ်ကောင်စီတပ်၏ စစ်ဆေးရေးဂိတ်အား တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။

“စစ်ဘက်၊ ရဲဘက်အရာရှိနှစ်ဦးသေဆုံးသည့်အပြင် ထိခိုက်ဒဏ်ရရသူ များစွာရှိသည်ဟုကြားသိရပါတယ်”ဟု စဥ့်ကူး PDFမှ ရဲဘော်တစ်ဦးက အတည်ပြုပြောကြားသည်။

ထို့အပြင် ပင်လယ်ကြီးစစ်ဆေးရေးဂိတ် တိုက်ခိုက်ခံရမှုကြောင့် စစ်ကူလာသော စစ်တပ်ယာဉ်များကို စဉ့်ကူးမြို့အထွက်တွင်တစ်ကြိမ် ကံပျိုကျေးရွာအနီးတွင်တစ်ကြိမ် မိုင်းခွဲတိုက်ခိုက်ခဲ့သည်ဟု ၎င်းက ဆက်ပြောသည်။

Public Service Announcement