မန္တလေးတိုင်း၊ စဥ့်ကူးမြို့နယ်၊ မန္တလေး-မိုးကုတ်လမ်းပေါ်ရှိ ပင်လယ်ကြီးစစ်ဆေးရေးဂိတ်အား ပစ်ခတ်တိုက်ခိုက်ခဲ့ပြီး စစ်သားတစ်ဦးနှင့်ရဲအရာရှိတစ်ဦးသေဆုံးခဲ့ကာ တပ်ကူလာ
သည့်ယာဥ်များကိုပါ နှစ်ကြိမ်တိုင် မိုင်းဆွဲတိုက်ခိုက်ခဲ့ကြောင်း စဉ့်ကူးပြည်သူ့ကာကွယ်ကာကွယ်ရေးတပ်ဖွဲ့က အသိပေးသည်။
ယမန်နေ့ (ဖေဖော်ဝါရီလ ၁၄ ရက် )နံနက်ပိုင်းက မန္တလေး-မိုးကုတ်လမ်းပေါ်ရှိ အကြမ်းဖက်စစ်ကောင်စီ၏ ပင်လယ်ကြီး စစ်ဆေးရေးစခန်းအား စဥ့်ကူး PDF အဖွဲ့ဝင်များက ပစ်ခတ်တိုက်ခိုက်ခဲ့ရာ စစ်ဗိုလ်တစ်ဦး အပါအဝင် နှစ်ဦးသေဆုံးကြောင်း စဉ့်ကူးပြည်သူ့ကာကွယ်ကာကွယ်ရေးတပ်ဖွဲ့က အသိပေးသည်။
အခင်းဖြစ်ရာနေရာသည် စဥ့်ကူးမြို့နယ်၊ လက်ပန်လှအုပ်စု၊ ပင်လယ်ကြီးကျေးရွာအနီးတွင် တည်ရှိပြီး ဂိတ်တွင်တာဝန်ကျနေသော လက်ပန်လှနယ်မြေရဲစခန်းမှ ဒုရဲအုပ်မိုးဝင်းနှင့် အမှတ် ၉၁၀ တပ်မှ တပ်သားစိုးမော်ဦးတို့သေဆုံးခဲ့ကြောင်း NUG၏ကာကွယ်ရေးဝန်ကြီးဌာနကသတင်းထုတ်ပြန်သည်။
“ကျွန်တော်တို့ရဲ့ ကျဆုံးသွားခဲ့သော ရဲဘော်မိုးကြိုးကို ဂုဏ်ပြုပြီးအမည်ပေးထားတဲ့ မိုးကြိုးစစ်ဆင်ရေးကို ယနေ့မနက် ၅ နာရီတိတိမှာစတင်ပါတယ်။ စစ်ဘက် ရဲဘက် အရာရှိ နှစ်ဦးသေဆုံးသည့်အပြင် ထိခိုက်ဒဏ်ရာရသူများစွာရှိသည်ဟုကြားသိရပါတယ်။”ဟု စဥ့်ကူးမြို့နယ် ပြည်သူ့ကာကွယ်ရေးအဖွဲ့က ဖေဖော်ဝါရီလ ၁၄ ရက် ညပိုင်းတွင် သတင်းထုတ်ပြန်သည်။
Public Service Announcement
တဆက်တည်းမှာပင်စစ်ကူလာသော အကြမ်းဖက်စစ်ကောင်စီ၏ ယာဉ်များအား စဉ့်ကူးမြို့အထွက်တွင်တစ်ကြိမ်၊ ကံပျိုကျေးရွာအနီးတွင်တစ်ကြိမ် မိုင်းခွဲတိုက်ခိုက်ခဲ့ကြောင်း ၊ပြည်သူ့ကာကွယ်ရေးတပ်သား PDF များ အကျအဆုံးမရှိအောင်မြင်စွာ ဆုတ်ခွာနိုင်ခဲ့ကြောင်း စဥ့်ကူးမြို့နယ် ပြည်သူ့ကာကွယ်ရေးအဖွဲ့က အသိပေးသည်။
တိုက်ခိုက်ခံရသော မန္တလေး-မိုးကုတ်လမ်းသည် စစ်ဆေးရေးဂိတ်များ ခပ်စိပ်စိပ်တည်ရှိနေပြီး စစ်ကိုင်းတိုင်းအတွင်း ဝင်ရောက်နိုင်သည့်လမ်းမကြီးတစ်ခုလည်းဖြစ်သည်။
ထို့အပြင် ယမန်နေ့နံနက်အစောက မန္တလေး-မိုးကုတ်လမ်းပေါ်ရှိ ဂွေးပင်ရွာအနီးရှိစစ်ကောင်စီတပ်ကို PDF ကစီးနင်းတိုက်ခိုက်ရာ စသ်ကောင်စီတပ်မှစခန်းရှိတပ်ရင်းမှူးအပါအဝင် ၄၀ ဦးခန့်သေဆုံးခဲ့သည်။
